گه‌ڕان

Shadow Shadow
سیاسه‌تی

گەنجێکی عەرەب شەش دەفتەر دۆلاری گەڕاندەوە بۆ خاوەنە کوردەکەى

2019.04.17 - 12:44
App store icon Play store icon Play store icon
گەنجێکی عەرەب شەش دەفتەر دۆلاری گەڕاندەوە بۆ خاوەنە کوردەکەى

کەناڵی ناس کورد لە تێلیگرام جۆین بکە   

ناس کورد-

گەنجێکى عەرەبی ئاوارەى ئەنبار دوای ئەوەى لە هەولێر جانتایەکی دۆزیوەتەوە کە 60 هەزار دۆلار (شەش دەفتەر) و چەند پارچە زێڕێک و موبایلێکی تێدابووە، گەڕاندوویەتییەوە بۆ خاوەنەکەى کە خێزانێکى خەڵکی ڕانیەن.

.

ڕۆژی 14ی نیسانی 2019، کاتێک خالید محەمەد لە گەڕەکی ئازادی لە هەولێر لە سەرتاشخانەیەکدا هاتووەتەدەرەوە، جانتاکەى دۆزیوەتەوە، ئەو موبایلەش کە لەناو جانتاکەدا بووە شەحنی تیانەبوو، خێرا خالید گەڕاوەتەوە ماڵەوە و موبایلەکەی شەحن کردووەتەوە، پاش کەمێک خاوەنی جانتاکە، کە خێزانێکى خەڵکی ڕانیەن، پەیوەندییان بە موبایلەکەوە کردووە و خالیدیش وەڵامی داونەتەوە و دڵنیای کردوونەتەوە کە دەتوانن لە شوێنێکدا یەکترببینن و بەبێ وەرگرتنى هیچ بەرانبەرێک جانتاکەیان وەربگرنەوە. خێزانەکەى خەڵکی ڕانییە بە مەبەستى کڕینی خانوو چووبوونە هەولێر.

.

دواتر خالید و خێزانەکە ڕێککەوتوون لە شوێنێکدا لە هەولێر یەکترببینن و خالید پارەکەى گەڕاندووەتەوە بۆ خێزانەکە.

خالید دەڵێت، "کاتێک جانتاکەم پێدانەوە خێزانەکە ویستیان بەخشیشێکم پێبدەن، بەڵام من ڕەتمکردەوە چونکە ئەوە تەنها ئەرکی سەرشانم بووە و هیچی تر".

.

خالید محەمەد و خێزانەکەى خەڵکی قەزای عانەن لە پارێزگای ئەنبار، نزیکەى شەش ساڵە ئاوارەى هەرێمی کوردستان بوون و سەرقاڵی پیشەى چایچییەتییە لە پێشانگایەکى ئۆتۆمبێل لە هەولێر.

.

چاوپێکەوتنى ڕۆژنامەنوسێک لەگەڵ خالید لەڕێگەى فەیسبوکەوە:

https://www.facebook.com/shakhawan.sabah/videos/2363488743690428/