ناس کورد-
دەمامك ياخود "ماسك" بووە بە يەكێك لە پێداويستيەكانی ئێستا كە پەتاى كۆرۆناى نوێ COVID-19 بڵاوبوەتەوە، بەڵام ئەويش بەدەرنەبوو لە چونە ناو جيهانى تەكنەلۆژياوە، وەك هەموو وردەكاريەكانى ترى ژيان و كۆمپانيا تەكنەلۆژيەكان لەم بوارەشدا داهێنانيان كرد.
کەناڵی ناس کورد لە تێلیگرام جۆین بکە
كۆمپانياى "دۆنوت ڕۆبۆتيكس"ى ژاپۆنى ئاشكرايكردوە، دەمامكێكى زيرەكيان دروست كردوە كە پەيوەست دەكرێت بە تۆڕى ئينتەرنێتەوە و هاوكارت دەبێت لە ڕێنماييەكان بۆ دوركەوتنەوەى كۆمەڵايەتى و پاراستنى دوورى پێويست لە كەسانى ترەوە.
ڕونيشكراوەتەوە، دەمامكەكە تەنها ناتپارێزێت، بەڵكو تواناى ئەوەشى هەيە كە زمانى ژاپۆنى وەربگێڕێت بۆ هەشت زمانى تر ئەوانيش: "ئينگليزى، چينى، ئيسپانى، فەرەنسى، كۆرى، ڤێتنامى، ئەندەنوسى و تايلەندى".
كۆمپانياكە تەئكيديشى كردوەتەوە، بەستنى دەمامكە نوێكە واتاى ئەوە نييە نابێت دەمامى ئاسايى ببەستين، بەڵكو لەسەر دەمامكە ئاساييەكە دەبەسترێت، هەروەها دەتوانيت پەيوەستى بكەيت بە مۆبايل ياخود پاد و تابلێتەكانەوە لەرێگەى بلوتوسەوە، سەرەڕاى ئەمانەش ئەپليكەيشنى ترى تێدايە، وەك ناردن و وەرگرتنى نامە و پەيوەندى، دەشتوانيت لەرێگەيەوە دەنگەكان بەرزتر بكەيتەوە.
A Japanese company is launching a SMART Face Mask that connects to your phone via blutetooth to perform tasks such as making calls, speech to text recognition, translations.
— Beebom (@beebomco) June 28, 2020
Tech companies are getting creative with masks
Interesting? Yes
Practical? Not sure
What do you think? pic.twitter.com/Txi1F8jegO
كۆمپانياكە گرێبەستێكى لەگەڵ فڕۆكەخانەى "هانيدا" لە تۆكيۆى پايەخت كردوە بۆ دابينكردنى پێنج هەزار لەو جۆرە دەمامكە تا كارمەندەكانى بەكارى بهێنن، نرخى يەك دانەش دەگاتە 40 دۆلار و پێويستيشە بەرنامەى تايبەتى لە ئينتەرنێتەوە بۆ بكڕيت
لاى خۆشيەوە گۆڤارى National Interest ى ئەمريكى بڵاويكردوەتەوە، دەمامكەكە ناوى C-Mask و لە پلاستيك دروست كراوە و لەسەر دەمامكى ئاسايى دەبەسترێت.
