گه‌ڕان

Shadow Shadow
سیاسه‌تی

سەرۆکى پەرلەمان لەسەر ’’پاشگەزبوونەوە’’ لە بڕیارێک لەسەر کەیسەکەى سۆران عومەر ڕوونکردنەوەى دا

2020.06.29 - 16:49
سەرۆکى پەرلەمان لەسەر ’’پاشگەزبوونەوە’’ لە بڕیارێک لەسەر کەیسەکەى سۆران عومەر ڕوونکردنەوەى دا

ناس کورد-

سەرۆکى پەرلەمانى کوردستان جەخت لە بڕیارەکەى دەکاتەوە بۆ هەڵوەشاندنەوەى هەڵگرتنى پارێزبەندى لەسەر پەرلەمانتار سۆران عومەر و دەڵێت، چاوەڕوانە بڕیارەکەى لە رۆژنامەى وەقائیعى فەرمى بڵاوبکرێتەوە، تا بکەوێتە بوارى جێبەجێکردنەوە.

 

نوسینگەى ڕێواز فایەق، سەرۆکى پەرلەمانى کوردستان لە ڕونکردنەوەیەکدا ڕایگەیاند، سەرۆکى پەرلەمان جەخت لە بڕیارەکەى دەکاتەوە بۆ هەڵوەشاندنەوەى بریارى هەڵگرتنى پارێزبەندى، نوسراوەکەشى ئاڕاستەى سەرۆکایەتى ئەنجومەنى وەزیران کردووە بۆ بڵاوکردنەوەى لە رۆژنامەى وەقائیعى کوردستان تا سیفەتى ئیلزامى وەربگرێت.

 

ئاماژەى بەوەشکردووە، دواى بڵاوکردنەوەى بڕیارەکە رەوانەى هەردوو دادگاى تێهەڵچوونەوەى هەولێر و سلێمانى دەکرێت بۆ جێبەجێکردنى.

 

ئەوە لەکاتێکدایە، ئەمڕۆ دیوانى پەرلەمانى کوردستان سۆران عومەرى ئاگادارکردووەتەوە کە لەبەردەم دادگا ئامادەبێت وەکو تۆمەتبار تا لێکۆڵینەوەى لەگەڵدا بکرێت لەدۆسیەیەکدا بەپێی یاساى سزادان، ئەوەش بەپێی ئینستتیوتی پەی بۆ پەروەردە و گەشەپێدان.

 

بەڵام نوسینگەى سەرۆکى پەرلەمان دەڵێت، ئەو ئاگادارکردنەوەیە بابەتێکى تەواو ئیداریی و رێکارییە و پەیوەندى بە ناوەرۆکى بڕیارەکەى ئەوانەوە نییە.

 

رونکردنەوەکەى نوسینگەى سەرۆکى پەرلەمان دواى ئەوە هات کە ئینستتیوتی پەی بۆ پەروەردە و گەشەپێدان ئەمڕۆ ڕایگەیاندبوو، سەرۆکى پەرلەمانى کوردستان لە بڕیارى هەڵوەشاندنەوەى هەڵگرتنى پارێزبەندى لەسەر سۆران عومەر پەرلەمانتارى کۆمەڵ پەشیمان بۆتەوە و لەو بارەیەوە چەند بەڵگەنامەیەکى خستووەتە ڕوو.  

 

ینستتیوتەکە لە راگەیەندراوێکدا ئاماژەى بەوە کردووە "بەپێی نوسراوێك بە ژمارە (4-5-1010) كە لە (28-6-2020) بە واژۆی سەرۆكی دیوانی پەرلەمانی كوردستان ئاراستەی پەرلەمانتار سۆران عومەر كراوە، هاوپێچی نوسراوی دادگاو پۆلیسی و لەگەڵدایەو داوادەكات ناوبراو وەك تۆمەتبارێك لە بنكەی پۆلیسی خانەقا لەهەولێر ئامادەبێت بەمەبەستی وەرگرتنی وتەكانی!".  

  

بەپێی ڕاگەیەنراوەکە "ئەو بەڵگانە پێمان دەڵێن لە بنەماوە سەرۆكی پەرلەمان باوەڕی بە ‌هەڵوەشاندنەوەی بریاری ژمارە چوار نەبوو، هەر بۆیە لە وەقاییعی كوردستانیش بڵاوینەكردۆتەوە و پاڵپشت بە بڕیاری ژمارە (4) ی هەڵگرتنی پارێزبەندی كە جێگرەكەی دەریكردووە، داوا لە سۆران عومەر دەكات لەبنكەی پۆلیس ئامادەبێت".  

  

ئەوەش رونکراوەتەوە "ئەگەر سەرۆكی پەرلەمان رێزی نوسراوەكەی خۆی بگرتایەو كاری پێ بكردایە دەبووایە هەر لەڕێگەی دیوانی پەرلەمانەوە لەبری ئەوەی نوسراوی ئاگاداركردنەوەی پۆلیس بۆ سۆران عومەر بنێرێت، نوسراوی بۆ دادگا بكردایە و رایبگەیاندایە كە ناوبراو ئامادەنابێ، چونکە پارێزبەندی بۆ گەڕاوەتەوە".

 

 

 

 

 

 

me_ga.php?id=383