ناس کورد-
ئەندامێکی فراکسیۆنی گۆڕان لە پەرلەمانی کوردستان ڕایگەیاند، کێشە و گرفتەکانی سێکتەری تەندروستیی گەرمیانی گەیاندووەتە وەزیری تەندروستی و ئەویش چەند بەڵێنێکی داوە لەوبارەیەوە کە ئەنجامی دەبێت لە بارەی باشترکردنی ڕەوشی تەندروستیی سنورەکە.
کەناڵی ناس کورد لە تێلیگرام جۆین بکە
شیرین ئەمین، ئەندامی فراکسیۆنی گۆڕان لە پەرلەمانی کوردستان لە هەژماری خۆی لە تۆڕی کۆمەڵایەتی فەیسبوک ڕایگەیاند: "لە ئەنجامی بەدوادا چوونم بۆ سێکتەری تەندروستی لە گەرمیان بەگشتی، د. سامان بەرنجی، وەزیری تەندروستیم ئاگادار کردەوە لە گرفتەکان و مەترسی بایکۆتی تەندروستکاران و خراپی ڕەوشی تەندروستی بەگشتی".
ئاماژەی بەوەشکردووە: " لە ئەنجامدا وەزیری تەندروستی چەند بەڵێنێکی دڵخۆشکەریدا کە بەم نزیکانە ئەنجامی دەبێت لە بارەی باشترکردنی ڕەوشی تەندروستی لە گەرمیان".
شیرین ئەمین ئەوەشی خستووەتەڕوو: " چاوەڕوان دەبین گەر بەڵینەکان ئەنجامی نەبێت لەھەوڵ و بەدواداچونەکانمان بەردەوامدەبین".
