.زانیاری لەبارەى تەقینەوە گەورەکەى شەوی ڕابردووی تاران (وێنە و ڤیدیۆ)

ناس کورد-

دوای ئەوەى شەوی ڕابردوو چەند ڤیدیۆیەکی تەقینەوەیەکی گەورە لە ڕۆژهەڵاتی تارانی پایتەخت بڵاوبووەوە، میدیاکانی ئێران لە زاری بەرپرسانی وەزارەتی بەرگری ئەو وڵاتە دەڵێن، هۆکاری تەقینەوەکە تەقینەوەی کۆگایەکی غازی سروشتی بووە.

کەناڵی ناس کورد لە تێلیگرام جۆین بکە   

 

کاتژمێر 12:25 خولەکی شەوی ڕابردوو دانیشتوانی تاران بە دەنگی تەقینەوەیەکی گەورە توشی ترس و دڵەڕاوکێ بوون، تەقینەوەکە بۆ ماوەی چەند خولەکێک ڕوناکییەکی پرتەقاڵی بە ئاسماندا بڵاوکردەوە، لە تۆڕە کۆمەڵایەتییەکان چەندین ڤیدیۆ و وێنەى تەقینەوەکە بڵاوکرایەوە.

 

ئاژانسی "فارس"ی ئێرانی دەڵێت، هۆکاری ڕوناکییەکە "تەقینەوەبووە لە کۆگای غازی سروشتی" لە نزیک دامەزراوەیەکی تایبەت بە وەزارەتی بەرگری، سەرچاوەیەکیش قسەى بۆ ئاژانسەکە کردووە و دەڵێت، دامەزراوەکە تایبەت نییە بە سوپا.

First video report of a massive explosion with red light around Tehran, heard by many residents. Reports of a military outpost around there. #Iran pic.twitter.com/lQT4CPFLUC

— Farnaz Fassihi (@farnazfassihi) June 25, 2020

 

داود عەبدی، وتەبێژی وەزارەتی بەرگریی ئێران ڕایگەیاند، تەقینەوەکە لە دامەزراوەیەکی کۆگاکردنی غاز لە ناوچەیەک ڕوویداوە کە بنکەیەکی سەربازیی هەستیاری لێیە لە نزیک تارانی پایتەخت.

 

بەڵام جەختیکردەوە کە تەقینەوەکە لە شوێنێکی گشتیی لە ناوچەى پەردیس ڕوویداوە نەک لە شوێنە سەربازییەکە، هەروەها ئاگرەکە کوژێنراوەتەوە و هیچ زیانێکی گیانیشی نەبووە.

BREAKING: There are videos circulating of what appears to be an explosion in Pardis, south Tehran, tonight. This video, I think, was shot in Bame Tehran, north of the city. You can clearly see what appears to be a fireball that turns the sky red
pic.twitter.com/VoPs7HWr5O

— Shayan Sardarizadeh (@Shayan86) June 25, 2020

 

وەزارەتی بەرگریی ئێرانیش هیچ زانیارییەکی تری لەبارەى شوێنی تەقینەوەکە و وردەکارییەکەى نەکردووە.

 

نیسانی ڕابردوو تیمێکی شارەزایانی ئەمریکی ڕایانگەیاند کە ئێران لە ناوچەى پەردیس سەرقاڵی دروستکردنی دامەزراوەیەکی ئەتۆمییە بە ناوی "شەهید بروجردی"، بەڵام ئەو کاتە ئێران ئەو زانیارییانەى ڕەتکردەوە.

هاوکات تەلەفزیۆنی فەرمی ئێران دوای چەند کاتژمێرێک لە تەقینەوە گەورەکە لە زاری بەرپرسانەوە ڕایگەیاند، لێکۆڵینەوە لە ڕووداوەکە دەکرێت.

 

BREAKING: Reports say some of of explosion happened a short time ago in eastern #Tehran cause of explosion unknown at the moment. pic.twitter.com/GznlOZYbE4

— News_Executive (@News_Executive) June 25, 2020