بەپێى ژمارەى دانيشتوان، لە سەدا چەندى دانيشتوانى شارەكانى هەڕێم تووشى كۆرۆنا بوون؟

ناس کورد- 

لەماوەى ڕابردودا ژمارەى توشبوانى ڤايرۆسى كۆرۆنا لە هەرێمى كوردستان و عێراقيشدا بەشێوەيەكى بەرچاو زياديان كردوە و رێژەى توشبوان و گيان لەدەستدايش لە شارێكەوە بۆ شارێكى تر جياوازە و شارەزايانى تەندروستيش هۆكار زۆربونى ژمارەكە بۆ پابەندنەبونى هاوڵاتيان بە رێنماييەكانەوە دەگێڕنەوە.

کەناڵی ناس کورد لە تێلیگرام جۆین بکە   

بەپێى ئەو ژمارانەى لايەنە تايبەتەكانى سەرژمێرى دانيشتوان لە جيهاندا و وەزارەتى پلاندانانى عێراقيش بڵاويانكردوەتەوە لەساڵى 2020 دا ژمارەى دانيشتوانى عێراق گەيشتووەتە 40 مليۆن و 222 هەزار و 503 كەس، لەو ژمارەيەش 5 مليۆن و 347 هەزار و 100 كەسى لە هەر چوار پارێزگاكەى هەرێمى كوردستان دەژين.

بەپێى داتاكان، پارێزگاى سلێمانى زۆرترين دانيشتوانى هەرێمى تێدايە و پارێزگاى هەڵەبجەش كەمترين كە بەم شێوەيەى خوارەوەيە:

سلێمانى: 2.039.800 (دوو مليۆن و سى و نۆ هەزار و هەشت سەد كەس)

هەولێر: 1.749.900 (يەك مليۆن و حەوت سەد و چل و نۆ هەزار و نۆ سەد كەس)

دهۆك: 1.220.400 (يەك مليۆن و دووسەد و بيست هەزار و چوار سەد كەس)

هەڵەبجە: 337 (سێ سەد و سى و حەوت هەزار كەس)

بەوەش كۆى گشتى دانيشتوانى هەرێمى كوردستان دەگاتە 5.337.100 (پێنج مليۆن و سێ سەد و سى و حەوت هەزار و سەد كەس).

بەپێى داتاكانى وەزارەتى تەندروستى  هەرێى كوردستان تا ئێستا 4874 توشبووى ڤايرۆسى كۆرۆنا لە هەرێم تۆمار كراون ئەويش تا ئێوارەى ڕۆژى پێنج شەممە 25\6\2020 كە بەم شێوەيەى خوارەوەيە:

سلێمانى: 3503 توشبوو 

هەولێر: 1091

دهۆك: 159

هەڵەبجە: 121

بەو پێيەش ژمارەى توشبوون بەپێى ڕێژەى دانيشتوان بەم جۆرەيە:

هەرێمى كوردستان: 0.091%ى دانيشتوانەكەى توشبوون

سلێمانى: 0.17% توشبوون

هەولێر: 0.06% توشبوون

دهۆك: 0.01% توشبوون

هەڵەبجە: 0.03% توشبوون

هەرچى ژمارە و ڕێژەى گيان لەدەستدانە:

لە هەرێمى كوردستان تائێستا 149 كەس گيانيان لەدەستداوە كە 0.002%ى توشبووان دەكات

سلێمانى: 126 گيان لەدەستدان  - 3.5% ى توشبووان گيانيان لەدەستداوە

هەولێر: 21  گيان لەدەستدان  - 1.9% ى توشبووان گيانيان لەدەستداوە

دهۆك: 0  گيان لەدەستدان -   گيان لەدەستدان تۆمار نەكراوە 

هەڵەبجە: 2 گيان لەدەستدان   -  1.6% ى توشبووان گيانيان لەدەستداوە

عێراق

هەرچى لەسەر ئاستى عێراقە كە ژمارەى دانيشتوانەكەى (بەهەرێمى كوردستانيشەوە) 40.222.503 (چل مليۆن و دوو سەد و بيست و دوو هەزار و پێنج سەد و سێ كەسە) ژمارەى توشبوانى كۆرۆنا گەيشتوەتە 39139 (سى و نۆ هەزار و سەد و سى و نۆ توشبوو)، هەروەها 1437 (هەزار و چوار سەد و سى و حەوت كەس) گيانيان لەدەستداوە.

بەو پێيەش:

ژمارەى توشبوان بەگوێرەى ژمارەى دانيشتوان گەيشتوەتەوە: 0.97%

ژمارەى گيان لەدەستدان بەگوێرەى ژمارەى دانيشتوان: 0.0035%

ژمارەى گيان لەدەستدان بەگوێرەى ژمارەى توشبوان: 3.67%