گه‌ڕان

Shadow Shadow
سیاسه‌تی

بەشیر حەداد ڕونکردنەوەیەک لەبارەى ’’توشبووی بە ڤایرۆسی کۆرۆنا’’ بڵاودەکاتەوە

2020.06.24 - 14:21
بەشیر حەداد ڕونکردنەوەیەک لەبارەى ’’توشبووی بە ڤایرۆسی کۆرۆنا’’ بڵاودەکاتەوە

ناس كورد-

بەشیر حەداد، جێگری دووەمی سەرۆکى پەرلەمانی عێراق توشبووی بە نەخۆشی کۆرۆنا ڕەت دەکاتەوە و دەڵێت، "بەداخەوە لە ژمارەیەک ماڵپەڕ و پەیجی تۆڕی کۆمەڵایەتی هه‌واڵێك بڵاوکراوەتە‌وه‌ کە گوایه‌ توشبووە بە ڤایرۆسەکە.

 

‎نوسینگەی راگەیاندنی ناوبراو لە ڕاگەیەنراوێکدا دەڵێت، "ئەو‌ هه‌واڵه‌ ھیچ بنەمایەک راستیی و دروستی نییه‌ و‌ دووره‌ له‌ راستییه‌وه‌ و دکتۆر بەشیر حەداد توشی ڤایرۆسی کۆرۆنا نەبووە و ئەگەر تووشی ئەو ڤایرۆسە بوایە زۆر بەئاشکرا رامان دەگەیاند، چونکە تووشبوون بە ڤایرۆسی کۆرۆنا ھیچ نەنگییەکی تێدا نییە."

 

دەشڵێت، "دکتۆر بەشیر حەداد چەند رۆژێک پێش ئێستا سەردانی نەخۆشخانەی کردووە و پشکنینی ئەنجام داوە و ئەنجامی پشکنینەکان دەریان خست کە ھەڵگری ڤایرۆسی گرانەتا بووە و ئێستاش تەندروستی جێگیرە."