گه‌ڕان

Shadow Shadow
سیاسه‌تی

لە پارێزگايەكى عێراق كۆمەڵێك گەنج بە شۆفڵ ميوە و خۆراك دەگەيەننە توشبوانى كۆرۆنا (وێنە)

2020.06.20 - 22:13
لە پارێزگايەكى عێراق كۆمەڵێك گەنج بە شۆفڵ ميوە و خۆراك دەگەيەننە توشبوانى كۆرۆنا (وێنە)

ناس کورد-

ژمارەيەك گەنجى پارێزگاى زيقار هەڵمەتێكيان بۆ گەياندنى ميوە و خۆراك بۆ توشبوانى ڤايرۆسى كرۆنا لە نەخۆشخانەى حسێنى فێركارى دەستپێكردوە، گەياندنيشى لەڕێگەى شۆفڵەوەيە.

 

بەپێى زانياريەكانى پەيامنێرى "ناس" لە پارێزگاى زيقار، گروپێك لە گەنجانى پارێزگاكە هەڵمەتێكيان لەژێر ناونيشانى "بەخۆڕايى" دەستپێكردوە كە ميوە و مادە خۆراكيەكان دەگەيەننە توشبوانى ڤايرۆسى كۆرۆنا لە نەخۆشخانەى حسێنى فێركارى.

 

خۆبەخشان و گەنجان بۆ گەياندنى پێداويستيەكان "شۆفڵ" بەكاردەهێنن، ئەوەش بەهۆى ئەوەى گەيشتن بە توشبوانى ڤايرۆسەكە سەختە هەروەها بۆ ئەوەى لەناو نەخۆشخانەكەدا قەرەباڵغى و هەرا دروست نەكرێت.

 

پەيامنێرى ناس ئەوەشى ئاشكرا كردوە، هەڵمەتەكە خۆشحاڵى لەلاى توشبوانى كۆرۆنا و دانيشتوانى پارێزگاكەش دروست كردوە، لەسەرەتاى بڵاوبونەوەى پەتاكەشەوە ئەوە يەكەمجارە هەڵمەتێكى لەو جۆرە ئەنجام بدرێت.

 

پێشتريش توشبوان كێشەى گەياندنى خۆراك و پێداويستيەكانيان هەبوو لەلايەن كەسوكاريانەوە چونكە لەژورەكانى نەخۆشخانە كەرەنتين كراون و رێگە نادرێت كەس بچێتە لايان بۆ ئەوەى كەسانى تريش تووش نەبن.