گه‌ڕان

Shadow Shadow
سیاسه‌تی

تاوتوێی چی کراوە؟

لێدوانی نوسینگەى مستەفا کازمی دوای کۆبوونەوەى لەگەڵ نێچیرڤان بارزانی

2020.06.20 - 18:03
لێدوانی نوسینگەى مستەفا کازمی دوای کۆبوونەوەى لەگەڵ نێچیرڤان بارزانی

ناس کورد-

ئەمڕۆ نێچیرڤان بارزانی، سەرۆکی هەرێمی کوردستان و دوو جێگرەکەى سەردانی بەغدایان کرد و لەگەڵ مستەفا کازمی، سەرۆکوەزیرانی عێراق کۆبوونەوە، کە ئەوەش یەکەم سەردانی نێچیرڤان بارزانییە دوای ئەوەى کازمی بووە سەرۆکوەزیران.

 

ئەمڕۆ شەممە، 20ی حوزەیرانی 2020، نوسینگەی ڕاگەیاندنی مستەفا کازمی ڕایگەیاند، لە کۆبوونەوەکەدا باسی چەند دۆسییەکی پەیوەندیدار بە حکومەتى فیدڕاڵی و حکومەتى هەرێم کراوە و ڕێککەوتوون لەسەر کارکردن بۆ چارەسەرکردنی کێشەکانی ڕابردوو بەپێی دەستور بۆئەوەى لە پێناو بەرژەوەندی گشتیی وڵات، پێکەوە ڕوبەڕوی سەرجەم ئاڵنگارییەکان ببنەوە کە ڕوبەڕوی سەرجەم پارێزگاکان بووەتەوە."

 

بەپێی ڕاگەیەنراوەکە، کازمی جەختیکردووەتەوە لەسەر "گرنگی هەماهەنگی و هاوکاری نیشتمانی لەپێناو دەربازبوون لە ئاڵنگارییەکانی ئێستا، بە تایبەت قەیرانی دارایی کە بەهۆی نزمبوونەوەى نرخی نەوت و بڵاوبوونەوەى پەتای کۆرۆنا دروستبووە."

 

هاوکات جەختیشکراوەتەوە لەسەر ئەوەى "ئاڵنگارییەکانی وڵات پێویستی بە هەماهەنگی هەمووان هەیە بۆ تێپەڕاندنی و بردنی وڵات بە ئاڕاستەیەکی دروست و ڕاست، ئەویش لەپێناو بنیادنانی عێراقێکی ئاسایش و سەقامگیر و یەکگرتوو."