گه‌ڕان

Shadow Shadow
سیاسه‌تی

بەرەوپێشچوونی زیاتر لە مانگی داهاتوودا

بەڵێنەكانی عێراق و كازاخستان هیوایان بەخشیووە بە بازاڕى نەوت

2020.06.20 - 13:31
بەڵێنەكانی عێراق و كازاخستان هیوایان بەخشیووە بە بازاڕى نەوت

ناس کورد-

بەڵێنەكانی هەر یەكە لە وڵاتانی عێراق و كازاخستان بۆ كەمكردنەوەی بەرهەمهێنانی نەوت، نرخی ئەو سوتەمەنییە لە بازاڕەكانی جیهاندا ڕادەگرێت و پێشبینەكان گەشبینی تێدایە لەو بارەیەوە كە بەرەوپێشچوونی زیاتر لە مانگی داهاتوودا ڕوبدات.

 

ڕۆیتەرز لە زاری سەرچاوەیەکەوە ڕایگەیاندووە، بەرزبوونەوەی ئەمدواییەی نرخی نەوت دوای بەڵێنی عێراق و كازاخستان هات لە كۆبونەوەیەكی لیژنەی ڕێكخراوی ئۆپیكدا بۆ كەمكردنەوەی بەرهەمهێنانی نەوت، و ئەوەش بەواتای ئەوە دێت سنوردانانی ڕێكخراوەكە و هاوپەیمانەكانی تا مانگی تەموز قوڵتر دەبێتەوە.

 

دوێنێ هەینی نرخی نەوت بەرزبویەوە بەڵام دواتر بەڕادەیەك پاشەكشەی كرد، ئەوەش بەهۆی ترسی بەردەوامبوونی تەشەنەسەندنی ڤایرۆسى کۆرۆنا كە دەرفەت نەداتە بوژانەوەی ئابوری ویلایەتە یەكگرتووەكانی ئەمریكا.

 

دوای وتەكانی ئەریك ڕۆزنگرین، سەرۆكی یەدەگی فیدراڵی بۆستن جارێكی تر نرخی نەوتی خاو بەرزبونەوەی بەخۆیەوە بینی، كاتێك ئاماژەی بۆ ئەوە كرد كە پێدەچێ پاڵپشتیەكی دیكەی دارایی و سیولە بۆ ئابوری ئەمریكا پێویست بێت.

 

باسی لەوەش كردووە، ئەگەر ڕادەی بێكاری لە ئەمریكا بگاتە دوو ژمارە، ئەوە زیاتر تێدەپەڕێنیت لە كۆتایی ساڵی 2020. هۆشداریشی داوە کە دوای كۆتایی هاتنی گرتنەبەری داخستنی ڕێوشوێنەكان بەهۆی كۆرۆناوە بەخێرایی دەستبكرێتەوە بە چالاكیە ئابورییەكان.

 

بەپێی میدیاكانی ئەمریكا، ترس و دڵەڕاوكێ دەستی پێكردووە دوای ئەوەی كۆمپانیای ئەپڵ ئەوەی ڕاگەیاندووە دەیەوێت كاری كۆمپانیاكانی ڕابگرێت بەهۆی زیاتر بڵاوبونەوەی ڤایرۆسەكەوە. جۆن كیڵدۆف لە سندوقی وزەی ئەنگینی نیویۆرك دەڵێت، هەمووان لە نۆرس كارۆلینا ترساون.

 

لە ئێستادا نرخی نەوتی خاوی برنت 68 سەنت بەرزبووەتەوە و گەیشتووەتە 41.97  و نرخی نەوتی خاوی ئەمریكش بۆ 39.75 بەرزبووەتەوە.