گه‌ڕان

Shadow Shadow
سیاسه‌تی

بڕیارەکە شارەزایان دابەش دەکات

كۆرۆنا پەلاماری سییەكان دەدات کەچی ترەمپ هاوکارییەکانی بۆ چارەسەری ئەو نەخۆشییە ڕاگرت

2020.06.20 - 13:15
كۆرۆنا پەلاماری سییەكان دەدات کەچی ترەمپ هاوکارییەکانی بۆ چارەسەری ئەو نەخۆشییە ڕاگرت

ناس کورد-

ئیدارەی ترەمپ بڕیاری ڕاگرتنی ئەو پاڵپشتیە مادییانەیدا كە بۆ چارەسەركردنی نەخۆشی سییەكان بەهۆی كۆرۆناوە خەرج دەكران بەمەبەستی دابینكردنی ئەو بڕە پارەیە بۆ بەرەوپێشبردنی ڤاكسینێك لەدژی كۆرۆنا، ئەو كارەش شارەزایانی بوارەكەی پەرتكردووە و بەشێكیان ڕەتیدەكەنەوە و ژمارەیەكیشیان بەكارێكی لۆژیكی دەزانن.

 

ڕۆژنامەی نیویۆرك تایمزی ئەمریكی بڵاویكردەوە، دەستەی پێشخستنی توێژینەوەی پزیشی زیندەگی پێشكەوتوو بە كۆمپانیا و توێژەرانی ڕاگەیاندووە، پاڵپشتییە داراییەكانی بۆ چارەسەركردنی نەخۆشی سییەكان بەهۆی كۆرۆناوە ڕاگرتووە، ئەو نەخۆشیەش زۆرجار لەماوەكانی ڕابردوودا بووەتە هۆی مردن.

 

بەپێی ڕۆژنامەكە، كاریگەرییەكانی كۆرۆنا لەڕێگەی تیشكەوە لەسەر سیییەكان دەركەوتووە، كە سییەكانی پڕ كردووە لە شلەمەنی و ئەوەش مەترسی زیاتری بۆ سەر ژیانی توشبووەكان دروستکردووە.

 

بەوتەی ڕۆژنامەكە، ئەو سیاسەتە مەرجی ئیدارەكەی ترەمپ پیشان دەدات لەبارەی ڤاكسینەوە بۆ ئەوەی دەست بە چالاكییە ئابورییەكان بكرێتەوە لەكاتی هەڵبژاردنی سەرۆكایەتی.

 

دەسەڵاتدارانی ئەمریكا بەڵێنی دابینكردنی دوو ملیار و 200 ملیۆن دۆلاریاندا تەرخان کردووە بۆ ڕێكەوتن لەگەڵ پێنج كۆمپانیای پیشەسازی دەرمان بەمەبەستی دروستكردنی ڤاكیسن لەدژی كۆرۆنا و نزیكەی 359 ملیۆن دۆلاریش بۆ دابینكردنی چارەسەر.

 

ڤاكسینەكان بەباشترین ئومێد بۆ ڕاگرتنی پەتاكە لە جیهاندا، بەڵام زاناكان هۆشداری ئەوە دەدەن بەكۆتایی هاتنی ئەم ساڵیش ڤاكسینەكە بەرهەمنایەت.

 

ڕۆژنامەكە ئەوەشی خستووەتەڕوو، پزیشكان و پسپۆڕی بوارەكە جەخت لەسەر ئەوە دەكەنەوە پێویستە پاڵپشتی چارەسەركردنی نەخۆشییەكانی سی بەردەوام بێت، بەڵام ژمارەیەكی دیكەش هەنگاوەكەی ترەمپ بەعەقڵانی دەزانن لەبارەی خەرجكردنی پارەوە بۆ ئەو بوارە بەشێوەیەكی سنوردار.

 

 مانگالا ناراسیمیهان، بەڕێوەبەری تۆری هەرێمایەتی نەخۆشخانەكانی نیویۆرك بەڕۆژنامەكەی وتووە، زۆربەی نەخۆشەكان كە داخڵی چاودێریكردنی ورد كراونەتەوە لە نەخۆشخانەكانیاندا تووشی تەنگە نەفەسی توند بوون.

 

ئاماژەی بۆ ئەوەش كردووە، ئەوەش بەواتای ئەوەیە دۆخەكە پێویستی بەچارەسەری جۆراو جۆری ئەو نەخۆشانە هەیە و بڕیارەكەی ترەمپیش لەو بارەیەوە بۆشایەكی گەورە دروست دەكات.

 

 مانگالا ناراسیمیهان ئەوەشی خستووەتە ڕوو، وەكو پزیشكەكانی تر پێیوایە گەر هەر ڤاكسنیكێش بەرهەم بێت ئەوا حاڵەتەكانی توشبوون هەر بەردەوام دەبن و هەروەها كاریگەری ڤاكسینەكەش لە چەند مانگێكدا دەبێت و لە هەندێ حاڵەتدا كاریگەریشی نابێت وەكو لە بە تەمەنەكاندا.

 

لای خۆشیەوە، لۆتشیانا بۆریۆ كە پسپۆڕی بواری خۆراك و دەرمانی ئەمریكایە ڕای پێچەوانەی هەیە و دەڵێت، خەرجكردنی پارەی چارەسەركردنی كێشەكانی سییەكان بۆ پیشخستنی ڤاكسینەكە كارێكی لۆژییكە.

 

دەشڵێت، داهاتێكی سنوردار بەردەستن، پاڵپشتیكردنی پیشخستنی ڤاكسینەكە واقیی ترە بۆ ئەوەی ببێتە بنەمایەكی سەرەكی بۆ ڕاگرتنی پەتاكە.