گه‌ڕان

Shadow Shadow
سیاسه‌تی

سەرچاوەکەى ئەوروپایە

نەوەیەکى دیکەى کۆرۆنا چین گەمارۆ دەدات

2020.06.20 - 09:02
App store icon Play store icon Play store icon
نەوەیەکى دیکەى کۆرۆنا چین گەمارۆ دەدات

ناس کورد-

 

چین تۆمارکردنى ژمارەیەک توشبووى دیکەى کۆرۆناى ڕاگەیاند، لە قۆناغێكی تری تەشەنەسەندنی ڤایرۆسەکەدا کە پەكینی پایتەختی گرتووەتەوە، پسپۆڕانی بوارەكەش دەڵێن، سەرچاوەكەی لەئەوروپاوەیە.

کەناڵی ناس کورد لە تێلیگرام جۆین بکە   

 

ئەمڕۆ شەممە، 20ی حوزەیرانی 2020، لیژنەی تەندروستی نیشتیمانی چین ڕایگەیاند، تا دوێنێ 19 مانگ 27 حاڵەتی نوێی توشبوون بەڤایرۆسی كۆرۆنا تۆمار كراوە كە 22 حاڵەتیان لە پەكینی پایتەخت بووە.

 

ڕۆژێك پێشتریش 32 حاڵەت لەیەك ڕۆژدا تۆمار كرا بەهەمان شێوە 25 حاڵەتیان لەناو پەكینی پایتەخت بوو، دەسەڵاتدارانی شارەكەش لەهەوڵێكی چڕوپڕدا بۆ قەڵاچۆكردنی دووبارە تەشەنەسەندنی ڤایرۆسەكە لەبازاڕەكانی فرۆشتنی خۆراكی بەكۆمەڵەوە ڕێوشوێنی پێویستيان دەستپێکردووە.

 

بەپێی میدیاكانی چین، 7 حاڵەتی دیكەی هەڵگری نەخۆشیەكە بێ ئەوەی نیشانەكانیان تێدا دەربكەوێت دوێنێ تۆمار كراون و ڕۆژێك پیشتریش 5 حاڵەتی دیكەی هاوشێوە هەبووە.

 

چین ئاماری ئەوانەی نەكردووە كە هەڵگری ڤایرۆسەكەن و نیشانەكانیان دەرنەكەوتووە تەنها ئەوانە نەبێت كە لێی دڵنیا بوونەتەوە.

 

دەسەڵاتدارانی چین هۆكارى ئەو دۆخە نوێیەی بڵاوبونەوەی ڤایرۆسەكە بۆ بوونی نەوەیەكی دیكەی ڤایرۆسەكە كە سەرچاوەكەی وڵاتانی ئەوروپایە دەگەڕێننەوە. 

 

لەوبارەیەوە تشانگ یۆنگ بەرپرس لە ناوەندی چینی بۆ بەرەنگاری پەتاكان دەڵێت، بەپێی چەند ئەنجامی توێژینەوەیەكی بۆماوەیی و پەتا گوازراوەكان، ڤایرۆسەكە لەئەوروپاوە هاتووە بەڵام لەو ڤایرۆسەی كە لەئیستادا لەئەوروپا بڵاوبووەتەوە جیاوازترە و لەوە كۆنترە.