گه‌ڕان

Shadow Shadow
سیاسه‌تی

دوای دەستپێكردنەوەی چالاكییە ئابورییەكان لەجیهاندا  

ڕێكخراوی تەندروستی جیهانی هۆشداری دەدات جیهان چووەتە قۆناغێكی نوێى مەترسیدارەوە

2020.06.19 - 22:16
ڕێكخراوی تەندروستی جیهانی هۆشداری دەدات   جیهان چووەتە قۆناغێكی نوێى مەترسیدارەوە

ناس کورد- 

ڕێكخراوی تەندروستی جیهانی هۆشداری دەداتە وڵاتانی جیهان و دەڵێت، جیهان بەهۆی تەشەنەسەندنی ڤایرۆسی كۆرۆناوە چووەتە قۆناغێكی نوێی مەترسیدارەوە.

 

لەكۆنگرەیەكی ڕۆژنامەوانیدا ، تیدرۆس ئەدهانۆم ، بەرێوەبەری گشتی ڕێكخراوەكە ڕایگەیاند، جیهان چووەتە قۆناغێكی نوێى مەترسیدارەوە و زۆربەی خەڵكی بەرپرسیارێتی مانەوەی خۆیان لەماڵەوە هەڵدەگرن و وڵاتانیش ئارەزوومەندی دەستپێكردنەوەی چالاكیە ئابورییەكانیان.

 

ئاماژەی بۆ ئەوەش كرد، ڤایرۆسەكە بەخێرایی تەشەنە دەكات و هێشتا كوشندەیە و خەڵكیش بەریدەكەون و بەپێی ئاماری ڕێكخراوەكەشیان دوێنێ (پێنجشەممە) 150 هەزار كەس توشبووە و ئەوەش بەرزترین ژمارەیە لەڕۆژێكدا تۆماركرابێت لەسەرەتای سەرهەڵدانی ڤایرۆسەكەوە.

 

بەپێی ئامارێكی ئاژانسی فرانس پریس، تا ئێستا ڤایرۆسی كۆرۆنا لەكاتی بڵاوبونەوەیەوە زیاتر لە450 هەزار كەسی كوشتووە و نزیكەی 8 ملیۆن و 500 هەزار كەسیشی توشكردووە لە 196 وڵاتدا، چەند وڵاتێكیش دەستیانكردووەتە خاوکردنەوەى ڕێوشوێنەكانی بەرەنگاربوونەوەی ڤایرۆسەكە و دەستكردنەوە بەچالاكییە ئابورییەكان.