گه‌ڕان

Shadow Shadow
سیاسه‌تی

پەکەکە بە هۆکارى نانەوەى پشێوى لە هەرێم ناودەبات

حکومەتى هەرێم راگەیەندراوێکى لەبارەى لەشکرکێشى تورکیا بڵاوکردەوە

2020.06.19 - 21:44
حکومەتى هەرێم راگەیەندراوێکى لەبارەى لەشکرکێشى تورکیا بڵاوکردەوە

ناس کورد-

حکومەتى هەرێمى کوردستان راگەیەندراوێکى لەبارەى لەشکرکێشى تورکیا بۆ سەر خاکى هەرێمى کوردستان و بۆردومانکردنى ناوچە جیاوازەکانى هەرێمى کوردستان بڵاوکردەوە.

 

لەراگەیەندراوەکەدا ئاماژە بەوەکراوە "بەدڵگرانى و نیگەرانیەکى زۆرەوە چاودێرى رووداوەکانى ئەمڕۆو چەند رۆژى رابردووى ناوچە سنووریەکان دەکەین، کە بووه هۆی گه ياندنى زیانى گیانی و ماددى بەهاوڵاتییانی سڤیل و گوندنشینانى ئەو ناوچانە".

 

بەگوێرەى راگەیەندراوەکە حكومهتى هەرێمى كوردستان سەرکۆنەی شەهیدکردن و زیان گەیاندن بەهاووڵاتییان دەکات لەلایەن هەر لایەنێک و بەهەر هۆکارێک بێت.

 

لەراگەیەندراوەکەدا داوا لە تورکیا کراوە ڕێز له سەروەرى خاك و نيشتيمانى هەرێمى کوردستان و بەپێویستیزانیوە پەکەکەش ئەو ناوچانە چۆڵ بکات تا چیتر نەبنە هۆکار بۆ دروستکردنى پشێوى لە ناوچە سنووریەکانى هەرێمى کوردستان.

 

ڕاگەیەندراوێک لە گوتەبێژی حکومەتی هەرێمی کوردستان

 

بەدڵگرانى و نیگەرانیەکى زۆرەوە چاودێرى رووداوەکانى ئەمڕۆو چەند رۆژى رابردووى ناوچە سنووریەکان دەکەین، کە بووه هۆی گه ياندنى زیانى گیانی و ماددى بەهاوڵاتییانی سڤیل و گوندنشینانى ئەو ناوچانە.

 

حكومه تى هه ريمى كوردستان سەرکۆنەی شەهیدکردن و زیان گەیاندن بەهاووڵاتییان دەکات لەلایەن هەر لایەنێک و بەهەر هۆکارێک بێت.

 

داوا لە کۆماری تورکیا دەکەین ڕێز له سه روه رى خاك و نيشتيمانمان بگرێت و پەکەکەش پێویستە ئەو ناوچانە چۆڵ بکات تا چیتر نەبنە هۆکار بۆ دروستکردنى پشێوى لە ناوچە سنووریەکانى هەرێمى کوردستان.

 

حکومەتى هەرێمى کوردستان خوازیارى پەیوەندیى دۆستانەیە لەگەڵ وڵاتانى دراوسێ و نایەوێت لەناو خاکى هەرێمى کوردستان هێرش بکرێتە سەر هیچ وڵاتێک.

 

لێرەوە پرسەو سەرەخۆشی لە کەس وکاری قوربانیان دەکەین و هیواى چاکبونەوەش بۆ برینداران دەخوازین.

 

د.جوتیار عادل

گوتەبێژی حکومەتی هەرێمی کوردستان

١٩ حوزەیرانی