گه‌ڕان

Shadow Shadow
سیاسه‌تی

پۆلیسی سلێمانی: شەوانە لە كوچە و كۆڵانەكان مەفرەزە دادەنێین

2019.04.16 - 10:34
App store icon Play store icon Play store icon
پۆلیسی سلێمانی: شەوانە لە كوچە و كۆڵانەكان مەفرەزە دادەنێین

کەناڵی ناس کورد لە تێلیگرام جۆین بکە   

ناس كورد-
لەشاری سلێمانی و بەمەبەستی كەمكردنەوەی تاوان، بەڕێوەبەرایەتی پۆلیسی پارێزگاكە دەستپێكردنی هەڵمەتی دەستگیركردنی سەرپێچیكارانی ڕاگەیاند و بۆ ئەو مەبەستە شەوانە لەكوچەو كۆڵانەكاندا مەفرەزە دادەنێت.

.
لە راگەیەندراوێكی بەڕێوەبەرایەتی پۆلیسی سلێمانی كە وێنەیەكی دەست (ناس كورد) كەوتووە، ئاماژە بەوە كراوە، شەوانە لەكوچە و كۆڵانەكاندا مەفرەزەی‌ هێزەكانی‌ پۆلیس دادەنرێت بەئامانجی دەستبەسەرداگرتنی چەكی بێ‌ مۆڵەت و ئۆتۆمبێلی بێ‌ سەرەتاو ماتۆڕسكیل.

.

بەگوێرەی راگەیەندراوەكە، هەریەكە لە بەشی پۆلیسی پێنجوێن و سەید سادق و دوكان گەڕان و پشكنینەكانیان دەستپێكرد و توانراوە دەستبگیرێت بەسەر زیاتر لە 40 ماتۆڕ سكیلی بێ‌ سەرەتا و ئۆتۆمبێلێكدا.

.
روونیشكراوەتەوە، هێزەكانی بنكەی پۆلیسی فریاكەوتنی دوكان بەهاوبەشی لەگەڵ بەڕێوەبەرایەتی پۆلیسی هاتووچۆی قەزاكە، مەفرەزەیەكیان پێكهێناو لەو هەڵمەتەدا چەند كەسێك ڕوبەڕوی یاساكرانەوە.

.
پۆلیسی سلێمانی جەختیشیكردووتەوە، هەڵمەت و گەڕان و پشكنینی هێزەكانیان بەردەوامییان دەبێت و هەركەسێك سەرپێچی یاسایی ئەنجامبدات دەستگیردەكرێت و ڕوبەڕوی یاسا دەكرێتەوە.

.

ئەمە لەكاتێكدایە ماوەیەكە ڕێژەی تاوان و ڕووداوەكانی كوشتن ودزی ڕووی لە زیادبوون كردووە و تەنها لە 15 رۆژی سەرەتای ئەم مانگەدا لە سلێمانی سێ كەس كوژران.

.