گه‌ڕان

Shadow Shadow
سیاسه‌تی

گوزەرێك بەنێو رۆژنامەكانی ئەمڕۆی ئێران

2019.04.16 - 10:14
App store icon Play store icon Play store icon
گوزەرێك بەنێو رۆژنامەكانی ئەمڕۆی ئێران

کەناڵی ناس کورد لە تێلیگرام جۆین بکە   

ناس كورد-


وتەكانی ئایەتوڵڵا خامنەیی ڕابەری شۆڕشی ئێران، بەرگی یەكەمی زۆرینەی ڕۆژنامەكانی ئەمڕۆ (سێشەممە)ی ئێرانی گرتووە و مانشێتی ڕۆژنامەی (گەنج) بە وتەیەكی خامنەیی دەستپێدەكات كە ئاماژەی بەوە كردبوو"دوژمنەكانی ئێران هەناسەكانی كۆتایی هەڵدەمژن".

.

ئەمڕۆ سێشەممە 16ی نیسانی 2019 لە ڕۆژنامەی (گەنج)دا وتەیەكی ئایەتوڵڵا خامنەیی كراوە بە مانشێتی سەرەكی ڕۆژنامەكە كە لە دیداری لەگەڵ بەشداربووەكانی 33هەمین پێشبڕكێی نێودەوڵەتی قورئان وتبووی "دوژمنەكانی ئێران هەناسەكانی كۆتایی خۆیان هەڵدەمژن". لەو دیدارەدا خامنەیی ڕەخنەشی لە سەركردەی وڵاتانی عەرەبی گرت و ئاماژەی بەوە كردبوو كە زۆرینەی سەركردەی وڵاتانی عەرەبی دوای "كافرەكان" كەوتوون و پشتیان كردۆتە موسڵمانان.

.

هاوكات ڕۆژنامەی (كۆماری ئیسلامی) هاوشێوەی رۆژنامەی (گەنج) وتەیەكی رابەری شۆڕشی ئێران كراوە بە مانشێتی سەرەكی رۆژنامەكە بەڵام لە رەهەندێكی ترەوە.

.

لەمانشێتەكەی رۆژنامەی (كۆماری ئیسلامی) پرسی قەرەبووكردنەوەی زیانلێكەوتووانی لافاوەكانی چەند هەفتەی رابردووی ئێران كراوەتە مانشێت و لەو بارەیەوە وتەی خامنەیی كراوەتە بەرگی رۆژنامەكە.
خامنەیی لەوتەیەكیدا لەبارەی قەرەبووكردنەوەی زیانلێكەوتووانی لافاوەكانی چەند هەفتەی رابردووی ئەو وڵاتە داوای كرد بوو بە زووترین كات زیانلێكەوتووانی لافاوەكانی چەند هەفتەی ڕابردووی وڵاتەكەی قەرەبوو بكرێنەوە و سوپاسی هاوكاری هاوڵاتیانیشی كردبوو بۆ زیانلێكەوتووان.

.

مانشێتی ڕۆژنامەی(ئیقتیسادی) بە هەمانشێوە تایبەتە بە لافاوەكەی ئێران و ئاماژە بەوەكراوە، كۆماری ئیسلامی ئێران ڕەزامەندی نیشانداوە كە دوو ملیار دۆلار بۆ قەرەبووكردنەوەی زیانەكانی لافاو تەرخان بكات.

.

لە بەرگی ڕۆژنامەی (سروت)یشدا لێدوانێكی بیژەن نامدار، وەزیری نەوتی ئێران كراوەتە مانشێتی سەرەكی رۆژنامەكە و تیایدا نامدار ئاماژە بەوە دەكات "فشارەكانی سەر ئێران بازاڕی نەوتی شكاندووە"، كە مەبەستی فشارەكانی ئەمریكایە بۆسەر ئەو وڵاتە.

.

هەروەها لە بەرگی یەكەمی ڕۆژنامەی (خراسان)دا هەندێك وتەی جیمی كارتەر، سەرۆكی پێشووتری ویلایەتە یكگرتووەكانی ئەمریكا كراوەتە مانشێتی رۆژنامەكە.

.
بەگوێرەی رۆژنامەكە، كارتەر لە گفتۆیەكیدا لەگەڵ دۆناڵد ترەمپ سەرۆكی ئێستای ئەمریكا ڕایگەیاندووە، چین ئەمریكا دەخاتە دوای خۆیەوە، كارتەر كە 39هەمین سەرۆكی ئەمریكایە، هۆكاری پێشكەوتنی چینی بۆ ئەوە گەڕاندۆتەوە كە ئەمریكا بەردەوام دۆستی جەنگ بووە و جەختی كردۆتەوە "لە 242 ساڵی تەمەنی ئەمریكا، ئەو وڵاتە تەنها 16 ساڵ لە ئاشتیدا بووە".

.