گه‌ڕان

Shadow Shadow
سیاسه‌تی

هەژمارە بانکییەکە بۆچى باشە و چى پێدەکرێت؟

پەرلەمانتارێکى یەکێتى رونکردنەوە لەسەر دروستکردنى هەژمارە بانکییەکەى فەرمانبەران دەدات

2020.06.18 - 15:40
پەرلەمانتارێکى یەکێتى رونکردنەوە لەسەر دروستکردنى هەژمارە بانکییەکەى فەرمانبەران دەدات

ناس کورد-

ئەندامێکى پەرلەمانى کوردستان لە فراکسیۆنى یەکێتى رایگەیاند" کاتێک کردنەوەى هەژمارە بانکییەکە بۆ فەرمانبەرانى هەرێمى کوردستان گرنگ دەبێت کە ئەو پارە پاشەکەوتەشى بخرێتە سەر کە لە مووچەى فەرمانبەران پاشەکەوت کرابوو".

 

وتیشى "دروستکردنى ئەو هەژمارە بانکییە لە پڕۆژە یاساى چاکسازیدا ئاماژەى بۆ کرابوو".

 

سەرکۆ گەڵاڵى بەپێویستیشیزانى هەژمارە بانکییەکە بەجۆرێک بێت کە مووچەخۆران بتوانن بەشێوازێک لە شێوازەکان سودمەندبن لەو پارەیە بەتایبەتى لەو مامەڵە داراییانەى کە هاووڵاتیان لەگەڵ حکومەتدا هەیانە وەک دانەوەى پارەى پێشینەکان و کرێى ئاو و کارەباى نیشتیمانى و رسوماتو خزمەتگوزارییەکان.

 

هاوکات بەگرنگى زانى لەگەڵ چاکبوونى بارى ئابورى حکومەتدا بە گوژمە پارە پاشەکەوتکراوەکانى مووچەخۆران خەرج بکرێتەوە.

 

ئەو ئەم کارەى وەزارەتى دارایى بە هەنگاوێکى باش لە بەرژەوەندى مووچەخۆران بینى بۆ زامنکردنى مووچە پاشەکەوتکراوەکانیان.  

 

لێدوانەکەى سەرکۆ گەڵاڵى، پەرلەمانتارى یەکێتى لە کاتێکدایە کە وەزیرى دارایى حکومەتى هەرێمى کوردستان، بڕیاریدا هەژمارى بانکى بۆ سەرجەم موچەخۆرانى هەرێمى کوردستان دروست بکرێت.

 

لە بڕیارەکەدا کە واژۆى ئاوات شێخ جەناب، وەزیرى دارایى حکومەتى هەرێمى بەسەرەوەیە ئاماژە بەوە کراوە کە لە چوارچێوەی جێبەجێکردنی یاسای چاکسازیدا، هەژماری بانکی بۆ موچەخۆران بکرێتەوە و لەو رێگەیەوە موچەیان پێ بدرێت.

 

 هاوکات لە بڕیارەکەدا داوا لە  سەرجەم وەزارەت و لایەنە پەیوەندیدارەکان کراوە رێکاری پێویست بگرنە بەر و نوسراو ئاراستەی بەڕێوەبەرایەتی گشتی ژمێریای بکەن.