تورکیا ئۆپراسیۆنی سەربازیی زەمینی بۆسەر پەکەکە لە دهۆک دەستپێکرد (ڤیدیۆ)

ناس کورد-

بەرەبەیانی ئەمڕۆ وەزارەتی بەرگریی تورکیا دەستپێکردنی ئۆپراسیۆنی سەربازیی زەمینی بۆسەر گەریلاکانی پەکەکە لە ناوچەی هەفتانین لە دهۆک دەستپێکرد و هێزێکی زۆری لە ناوچەکە دابەزاندووە.

کەناڵی ناس کورد لە تێلیگرام جۆین بکە   

 

ئەمڕۆ چوارشەممە، 17ی حوزەیرانی 2020، وەزارەتی بەرگریی تورکیا لە تۆڕی کۆمەڵایەتی تویتەر بڵاویکردەوە، "ئۆپەراسیۆنی چنگ-پڵنگ دەستیپێکرد"، هێزی کۆماندۆی تورکی لە ناوچەی حەفتانینن لە دهۆک دابەزیوون.

 

وەزارەتەکە ڤیدیۆی کاتی دابەزاندن و چەند چالاکییەکی تری بڵاوکردووەتەوە.

 

بەپێی ڕاگەیەنراوی وەزارەتی بەرگریی تورکیا، ئۆپراسیۆنەکە "بەپاڵپشتی ھێزەکانی ئاسمانی، ھەلیکۆپتەری ھێرشبەر، فڕۆکەی بێفڕۆکەوان و فڕۆکەی بێفڕۆکەوانی چەکدار" بەڕێوەدەچێت.

 

ئەوەش دوای ئەوە دێت دووشەممەى ڕابردوو تورکیا بە فڕۆکە لە پێنج ناوچەى هەرێمی کوردستان هێرشی کردە سەر بارەگاکانی پەکەکە و بۆردومانێکی خەستی کرد لەو ناوچانە.