گه‌ڕان

Shadow Shadow
سیاسه‌تی

خەڵاتی ئەو کەسانە دەکرێت کە پلازمای خوێن دەبەخشنە توشبووانی کۆرۆنا

2020.06.16 - 22:07
خەڵاتی ئەو کەسانە دەکرێت کە پلازمای خوێن دەبەخشنە توشبووانی کۆرۆنا

ناس کورد-

پارێزگاری سلێمانی پەیامێکی ئاڕاستەی ئەو توشبووانە کۆرۆنا کرد کە چاکبوونەتەوە و ڕایگەیاند، خەڵاتی ئەو کەسانە دەکەن کە پلازمای خوێن بە توشبووانی کۆرۆنا دەبەخشن.

 

لە پەیامێکدا بۆ ئەو کەسانەی کە توشبووی ڤایرۆسی کۆرۆنا بوون و چاکبوونەتەوە، هەڤاڵ ئەبوبەکر، پارێزگاری سلێمانی ڕایگەیاند: "دۆخی تەندروستیی ژمارەیەک لە هاونیشتمانیەکانتان، کەسوکارو ئازیزانتان، بەهۆی گیرۆدەبوونیان بە پەتای کۆرۆناوە، لە بارێکی مەترسیداردان، ژیانیان پێویستی بە هەڵمەت و هەناسەو هەنگاوی ژیرانەو مەردانەو خۆنەویستانەو دڵسۆزانەی ئێوە هەیە، داواخوازین بەشداریبکەن لە بەخشینی پلازمای خوێن بۆئەوەی بە ویژدانێکی ئاسودەوە بەشداریبکەن لە ژیاندنەوەی مرۆڤایەتیدا".

 

ئاماژەی بەوەشكردووە: "پارێزگای سلێمانی جگەلەوەی بۆ مێژووی ئەم نیشتمانە ناوی بەڕێزتان (لە لیستی گەشی ژیاندنەوەی مرۆڤایەتیدا) تۆماردەکات، ئامادەیە خەڵاتی هەرکەسێکیش بکات، کە دەستپێشخەریی لە بەخشینی پلازمای خوێندا دەکات".

 

لە کۆتایی پەیامەکەیدا، هەڤاڵ ئەبوبەکر نوسیویەتی: "ژیان چاوەڕێتانە".

 

ئەمە لەکاتێکدایە، لەگەڵ بەرزبوونەوەی ژمارەی توشبووانی کۆرۆنا لە هەرێمی کوردستان و بەتایبەت لە پارێزگای سلیمانی، بەشێک لەو توشبووانە، تەندروستیی بەشێک لەو توشبووانە ناجێگیرە و بۆ چارەسەرکردن پێویستیان بە پلازمای خوێنی ئەو کەسانەیە کە توشبووی کۆرۆنا بوون و چاکبوونەتەوە،