گه‌ڕان

Shadow Shadow
سیاسه‌تی

سەرۆکى پەرلەمان بڕیاری هەڵگرتنی پارێزبەندی سۆران عومەری هەڵوەشاندووەتەوە؟

2020.06.15 - 21:13
سەرۆکى پەرلەمان بڕیاری هەڵگرتنی پارێزبەندی سۆران عومەری هەڵوەشاندووەتەوە؟

ناس کورد-

وەرگرتنەوەى پارێزبەندی لە سۆران عومەر، پەرلەمانتاری کۆمەڵی ئیسلامی هەڵایەکی زۆری لە هەرێمی کوردستان دروستکرد، تەنانەت بووەهۆی پەکخستنی دانیشتنەکانی پەرلەمانی کوردستان، بەپێی زانیارییەکانی ناس کورد، ڕێواز فایەق، سەرۆکى پەرلەمانی کوردستان بڕیارەکەى هەڵوەشاندووەتەوە.

 

ڕۆژی 7ی ئایاری 2020، دانیشتنی پەرلەمانی کوردستان بەڕێوەچوو بۆ وەرگرتنەوەى متمانە لە چەند پەرلەمانتارێک، سەرۆکى پەرلەمان و فراکسیۆنەکانی یەکێتی و گۆڕان و کۆمەڵ و نەوەى نوێ و یەکگرتوو دانیشتنەکەیان بایکۆت کرد، بەڵام بە دەنگی فراکسیۆنى پارتی و پێکهاتەکان، پارێزبەندی لە سۆران عومەر سەنرایەوە.

 

بەپێی زانیارییەکانی ناس کورد، دوای ئەوەى سۆران عومەر داوایەکی ئاڕاستەى سەرۆکایەتی پەرلەمان کردووە، دوێنێ یەکشەممە، 14ی حوزەیرانی 2020، ڕێواز فایەق بڕیارەکەى هەڵوەشاندووەتەوە.

 

لەلایەکی ترەوە، PUKMedia کە میدیای فەرمی یەکێتیە زانیارییەکانی داناوە و دەڵێت، "سەرۆکی پەرلەمانی کوردستان بڕیاری دا هەڵگرتنی پارێزبەندی سەر پەرلەمانتار سۆران عومەر هەڵبوەشێنێتەوە."

  

هاوکات سۆران عومەر، پەرلەمانتاری کۆمەڵ بە ناس کوردی وت، منیش ئەوەم بیستووە بەڵام هێشتا بە فەرمی پێم نەگەیشتووە و چاوەڕێ دەکات ئاگاداربکرێتەوە.

 

سۆران عومەر باسی لەوەشکرد، 19ی ئایار داوایەکی بۆ هەڵوەشاندنەوەى بڕیاری ژمارە 4ی ساڵی 2020 تایبەت بە هەڵگرتنی پارێزبەندی لەسەر ناوبراو پێشکەشی سەرۆکى پەرلەمان کردووە.

 

me_ga.php?id=288me_ga.php?id=289

me_ga.php?id=290me_ga.php?id=291me_ga.php?id=292