گه‌ڕان

Shadow Shadow
سیاسه‌تی

’’جموجۆڵى بازرگانى و دیبلۆماسی لەگەڵ تورکیا هەڵپەسێردرێت’’

حەوت پەرلەمانتار داوا لە کازمى دەکەن پابەندى بەڵێنى پاراستنى سەروەرى عێراق بێت

2020.06.15 - 20:48
حەوت پەرلەمانتار داوا لە کازمى دەکەن پابەندى بەڵێنى پاراستنى سەروەرى عێراق بێت

ناس کورد-

حەوت ئەندامى پەرلەمانى عێراق داوا لە مستەفا کازمیی سەرۆکوەزیران دەکەن بەڵێنەکانى لەبارەى پاراستنى سەروەرى عێراق بپارێزێت و رێگرى لە پێشێلکارییەکانى تورکیا بکات، ڕێوشوینى توند بگرێتەبەر لەبارەى چالاکى ئابورى و دیبلۆماسی لەگەڵ ئەو وڵاتە.

 

ئەو پەرلەمانتارانە کە پێکهاتوون لە، حەسەن فەدعم، سامر حەمدانی، بیدا خزر، نۆفڵ ناشی، یوسف کلابی و يوسرا رەجب، لە بەیاننامەیەکى هاوبەشدا داوایان لە کازمى کردووە بەسیفەتى فەرماندەى گشتى هێزە چەکدارەکان پابەندى بەڵێنەکانى بێت بۆ پاراستنى سەروەرى وڵات لەهەر پێشێلکارییەک و بیکاتە هێڵى سور، سەرسوڕمانى خۆشیان نیشاندەدەن لەبارەى بێدەنگى حکومەت لەو بارەیەوە.

 

هەروەها داواى ئەوەش لە کازمى دەکەن کە پەنا ببات بۆ میکانیزمى فشارکردن بۆ وەستانى ئەو پێشێلکارییانە بۆ سەر سنور لەرێگەى ئاماژەدان بە هەڵپەساردنى ئاڵوگۆڕى بازرگانى و دیبلۆماسی لەنێوان عێراق و تورکیا و رێزگرتن لە یاسا نێودەوڵەتییەکان و دراوسێیەتى.

 

ئەو پەرلەمانتارانە بە پێویستى دەزانن قەرەبووى برینداران و کەسوکارى شەهیدانى بۆردومانەکانى تورکیا بۆ سەر ناوچە سنورییەکانى هەرێمى کوردستان بکرێتەوە.

 

جەختیشیانکردووەتەوە، ئەگەر حکومەت لەو بارەیەوە هەنگاو نەنێت، قسەى دیکەیان دەبێت.

 

ئەوە لەکاتێکدایە شەوى ڕابردوو تورکیا دەستپێکردنى ئۆپراسیۆنێکى سەربازى لەژێر ناوى (چڕنوکى هەڵۆ) لە هەرێمى کوردستان دژ بە بارەگاکانى پارتى کرێکارانى کوردستان (پەکەکە) دەستپێکرد و لەو چوارچێوەیەدا بۆردومانى چەند ناوچەیەکى لە هەرێمى کوردستان کرد.