گه‌ڕان

Shadow Shadow
سیاسه‌تی

شۆفێرێکیان لەدایکبووی 2002ـە

ڕانیە؛ ڕووداوێکی هاتوچۆ گیانلەدەستدانێک و سێ برینداری لێکەوتەوە

2020.06.14 - 10:23
ڕانیە؛ ڕووداوێکی هاتوچۆ گیانلەدەستدانێک و سێ برینداری لێکەوتەوە

ناس کورد-

لە ڕووداوێکی هاتوچۆدا لە قەزای ڕانیە، کەسێک گیانیلەدەستدا و سێ کەسی دیکەش برینداربوون، پۆلیسی ڕاپەڕینیش دەڵێت، شۆفێری ئۆتۆمبێلیکیان لەدایکبووی ساڵی 2002وە و دەستگیرکراوە.

 

لە ڕاگەیەندراوێکدا بەڕێوەبەرایەتی پۆلیسی ڕاپەڕین ڕایگەیاند: "کاتژمێر 12:30 خولەکی شەوی ڕابردوو ڕوداوێکی هاتوچۆ لەسەر شەقامی سەرەکی سەیداوا لە شاری ڕانیە لە نێوان دوو ئۆتۆمبیلی  جۆری (قەمەرە سەنی) و (قەمەرە جیتا) ڕویدا و لە ئەنجامدا شۆفێری ئۆتۆمبیلی سەنییەکە کە تەمەنی 46 ساڵ بووە لە ڕوداوەکەدا گیانی لەدەستدا".

 

ئاماژە بەوەشکراوە، هاوکات لەکاتی ڕوداوەکەدا دوو سەرنشینی دیکەی سەنییەکە و شۆفێری جیتاکە بریندار بوون کە لە نەخۆشخانە چارەسەری پێویستیان بۆ کراوە و تەندروستیان جێگیرە.

 

ئەوەشخراوەتەڕوو، مەلەفی لێکۆڵینەوە بۆ ڕوداوەکە کراوەتەوە و شۆفێری ئۆتۆمبیلی جۆری جیتاکە بەناوی کە لەدایکبووی 2002ە، دوای ئەوەی چارەسەری پێویستی لە نەخۆشخانە بۆ کرا، لە ئێستادا تەندروستی جێگیرە و بە بڕیاری دادوەر بەپێی مادەی 24 لە یاسای هاتوچۆ ڕاگیراوە.