گه‌ڕان

Shadow Shadow
سیاسه‌تی

عەلی حەمەساڵح: ئەگەر چاکسازی نەکرێت مانەوە لەم حکومەتە شەرمە

2020.06.13 - 21:12
App store icon Play store icon Play store icon
عەلی حەمەساڵح: ئەگەر چاکسازی نەکرێت مانەوە لەم حکومەتە شەرمە

ناس کورد-

سەرۆکی فراکسیۆنی گۆڕان لە پەرلەمانی کوردستان ئاشکرایدەکات، %48ی موچە بۆ بۆ ھێزی ئەمنی و سەربازی و خانەنشینی ئەمنی و سەربازیە، دەشڵێت، ئەگەر چاکسازی نەکرێت، بڕیاری خۆیان دەبێت و مانەوە لەم حکومەتە شەرمە.

 

کەناڵی ناس کورد لە تێلیگرام جۆین بکە   

 

عەلی حەمەساڵح، سەرۆکی فراکسیۆنی گۆڕان لە پەرلەمانی کوردستان لە هەژماری خۆی لە تۆڕی کۆمەڵایەتی فەیسبوک ژمارەی موچەخۆرانی هەرێمی بڵاوکردووەتەوە و ئاماژەی بەوەکردووە کە ملیۆنێک و 255 هەزار و 323 کەس لە هەرێم موچەخۆرن".

 

سەرکی فراکسیۆنی گۆڕان ئەم خشتەیەی بڵاوکردووەتەوە:

 

عەلی حەمەساڵح نوسیویەتی: "10  ساڵی تەواوە باسی ئەم گەندەڵی و نادادیە دەکەین، دوو خولی پەرلەمانە کاری پەرلەمانی لەسەر دەکەین، چاکسازی باوەڕە نەک دروشم، کەواتە بابزانین، بڕیارە 1ی مانگی داهاتوو یاسای چاکسازی بچێتە بواری جێبەجێکردن، پرسیار و گومان ئەوەیە ئایا دەست بۆ ئەمانە دەبرێت؟".

 

ئاماژەی بەوەشكردووە: "115 ھەزار کەس کراون بە خانەنشینی سەربازی، نیوی ئەم ژمارە نایاساییە،  واتە پێشمەرگە نین و ساڵی خزمەتیان نیە، جاش و مستەشار و ... هتد، مانگانە موچەیەکی زۆر وەردەگرن، ھەزارانیش بەوەزیرو و بریکارو بەڕێوبەری گشتی و ..... ھتد، بە نایاسایی خانەنشینکراون ".

 

سەرۆکی فراکسیۆنی گۆڕان لە پەرلەمانی کوردستان ئەوەشی خستووەتەڕوو: "322 ھەزار پێشمەرگەو ھێزی ناوخۆ ھەن، ئەمانە لەژێر ھەژمونی حیزبن، پاسەوان باخ و بەرپرسن، لیواو و فەوجی ئەم و ئەون، بەدڵنیایی %48ی موچەی ئەم وڵاتە بۆ ھێزی ئەمنی و سەربازی و خانەنشینی ئەمنی و سەربازیە، چاکسازی گەورە لێردا دەکرێت، ئایا دەست بۆ ئەمە دەبرێت؟".

 

باسی لەوەشکردووە: "96 ھەزار کەس موچەی شەھیدان وەردەگرن، بەھەزارانی تێدایە بە ناڕەوا کراوەتە ئەم لیستەوە".

 

سەرۆکی فراکسیۆنی گۆڕان پێیوایە، جێبەجێکردنی ئەم یاساو چاکسازییە لەو گەندەڵی و دزیەی تاوەکو ئێستا لە خاڵە سنوریەکان و دۆسیەی نەوتدا ھەیە، باشترین بژاردەیە و دەڵێت: "بەدڵنیایی قەبارەی گەندەڵی لە دۆسیەی گومرگ و خەرجیەکانی نەوت و ئەو کۆمپانیانەی خزمەتی گشتیان پێدراوە 200 ملیۆن دۆلار زیاترە".

 

عەلی حەمەساڵح پرسیویەتی: "ئایا ئەم چاکسازیانە لە دروشم و ڕێککەوتن و کارنامەوە دەبێتە کردار؟".

 

ئاماژەی بەوەشكردووە: "پێچەوانەی ئەم چاکسازیە، ھیچ بەھایەک بۆ کارنامەی حکومەت و ڕێککەوتنەکان نامێنێتەوە، ئەوکات ئێمەش بڕیاری خۆمان دەبێت، ئەم چاکسازیانە نەکرێت، مانەوە لەم حکومەتە شەرمە، نەک شانازی تاوەکو منەتی پێوە بکرێت، ئەم چاکسازیانەش بکرێت من لە حکومەتبم یان نا، پشتیوانی دەبم".