ناس کورد-
جێگرى بەڕێوەبەرى گشتى تەندروستى سلێمانى ڕایگەیاند، چوار توشبووى دیکەى ڤایرۆسى کۆرۆنا لە سلێمانى گیانیان لەدەستداوە.
کەناڵی ناس کورد لە تێلیگرام جۆین بکە
عەبدوڵا ئەحمەد بە ناس کوردى ڕاگەیاند، ئەو چوار توشبووە تەمەنیان لەنێوان 60 بۆ 70 ساڵیدایە و چەند کەسێکیان نەخۆشى دیکەیان هەبووە.
ئەو چوار توشبووەى گیانیان لەدەستداوە، دوانیان دانیشتووى سلێمانین، یەکێکیشیان دانیشتووى چەمچەماڵە و ئەوەى دیکەشیان خەڵکى بەغدایە.
عەبدوڵا ئەحمەد وتیشى نزیکەى 20 توشبووى دیکە بارى تەندروستیان ناجێگیرە و هەندێکیان لەژورى چاودێرى چڕدان.
لەسنورى پارێزگاى سلێمانى تا ئێستا 38 کەس گیانیان لەدەستداوە کە هەڵگرى ڤایرۆسى کۆرۆنا بوون، لەکۆى زیاتر لە هەزار و 260 توشبوو، کە 251 کەسیان چاکبوونەتەوە.
