گه‌ڕان

Shadow Shadow
سیاسه‌تی

پێنج توشبوو بەتوندى نیشانەکانیان لەسەر دەرکەوتووە

دوو توشبووى کۆرۆنا لە هەڵەبجە تەندروستیان ناجێگیرە

2020.06.13 - 11:35
App store icon Play store icon Play store icon
دوو توشبووى کۆرۆنا لە هەڵەبجە تەندروستیان ناجێگیرە

ناس کورد-

 

تیمى روبەڕووبونەوەى کۆرۆنا لە هەڵەبجە ڕایگەیاند، لەکۆى 16 توشبوى کۆرۆنا لە سنورى پارێزگاکە، دۆخى تەندروستى دووانیان ناجێگیرە.

کەناڵی ناس کورد لە تێلیگرام جۆین بکە   

 

د.جیهاد ئیبراهیم سەرۆکى تیمەکە ئەمڕۆلە کۆنفرانسێکى رۆژنامەنوسیدا ڕایگەیاند، لەو 16 توشبووە، 11 یان نیشانەى پەتاکەیان هەیە، پێنجیان بەتوندى نیشانەکانیان لەسەر دەرکەوتووە، دوانیشیان تەندروستیان ناجێگیرە.

 

وتیشى، نەخۆش هەیە لە 24 کاتژمێرى ڕابردوودا، پێنج بتڵ ئۆکسیجى بۆ بەکارهێنراوە، نەخۆشى نەخۆشخانەى هیوا هەیە کە تووشى کۆرۆنا بووە.

 

د.جیهاد ئیبراهیم جەختیکردەوە، کۆرۆنا مەترسییەکى زۆر جدییە و ئەگەر دۆخەکە لە ئاستێکدا نەوەستێنن کارەساتى گەورە رودەدات، چونکە لەو نەخۆشخانەیەى لە هەڵەبجە هەیە تواناى وەرگرتنى کەمتر لە پەنجا نەخۆشیان هەیە، ئەگەر نەخۆشخانەى دووەمیش بکرێتەوە ناتوانرێت زیاتر لە 100 کەس وەربگرن.

 

تیمى روبەڕووبونەوەى کۆرۆنا لە هەڵەبجە لە ناوەڕاستى مانگى شوباتەوە دەستبەکاربووە و بەشێکیان بە خۆبەخشى کارەکانیان دەکەن.