گه‌ڕان

Shadow Shadow
سیاسه‌تی

داوایان لێدەکات شارەکەیان بەدەستبهێننەوە

تڕەمپ بۆ بەرپرسانی سیاتڵ:شارەكەتان کۆنترۆڵ نەکەنەوە خۆم بەو كارە هەڵدەستم

2020.06.11 - 12:06
تڕەمپ بۆ بەرپرسانی سیاتڵ:شارەكەتان کۆنترۆڵ نەکەنەوە خۆم بەو كارە هەڵدەستم

ناس کورد- 

سەرۆکى ئەمریکا داوا لەبەرپرسانی شاری سیاتڵی سەر بە ویلایەتی واشنتۆن دەكات، ناڕەزایەتیەكان  كۆتایی پێبهێنن كە چەند ڕۆژێكە بەبۆنەی كوشتنی پیاوێکى ڕەشپێستەوە دەستی پێكردووە و شارەكەیان كۆنترۆڵ بكەنەوە و هۆشدارى ئەوەشیدا گەر وا نەكەن ئەوا خۆی بەو کارە هەڵدەستێ.

 

دۆناڵد ترەمپ، سەرۆكی ئەمریكا داواى لەبەرپرسانی شاری سیاتڵی سەر بەواشنتۆن کرد شارەكە كۆنترۆڵ بكەن و گەر ئەوەش نەكەن ئەوا خۆی پیێهەڵدەستێت، ئەوەش دوای ئەوەی خۆپیشاندەران دەستیانگرتووە بەسەر چەند شوێنێكی ناوەڕاستی شارەكەدا و گردبونەوەی سەربەخۆیانەیان دروستكردووە.

 

لەتوێتێكیدا سەرۆکى ئەمریکا ئاماژەى بەوە کرد، گای ئەنسڵی حاكمی ویلایەتەكە كە چەپێكی ڕادیكاڵە و ژینی دۆركان سەرۆكی شارەوانی سیاتڵ ڕوبەڕووی گاڵتەجاڕی و یاریكردن بوونەتەوە كە پێشتر ئەو وڵاتە مەزنە شتی وەهای بەخۆیەوە نەبیینوە.

 

تڕەمپ نوسیویەتی"شارەكەتان كۆنترۆڵ بكەنەوە، گەر ئەوە نەكەن ئەوا خۆم دەیكەم، ئەوە یاریی نیە، دەبێت ئەنارشیتە ناشیرینەكان خێرا ڕابگیرێن، بەپەلە بجوڵێین". 

 

بەگوێرەى میدیا ناوخۆییەكانی ئەمریكا، خۆپیشاندەران هەڵیانكوتاوەتە سەر بینای شارەوانی شارەكە و داوای دەستلەكاركیشانەوەی حاكمی شارەكەیان كردووە و دروشمیان لەدژ وتووەتەوە و لەبەرامبەر بینای پۆلیسی شارەكە لەگەرەكی كاپیتۆڵ هێڵ و چادریان هەڵداوە و لەسەر شاشەیەكەوە تاوتوێى داوكارییەكانیان دەكەن.

 

ڕۆژنامەی سیاتڵ تایمز بڵاوی كردووەتەوە، خۆپیشاندەران سەركردەیان نیە و ناشزانرێت پۆلیس كەی ئەو ناوچانە كۆنترۆڵ دەكاتەوە.



نزیكەی دوو هەفتەیە ناڕەزایەتی و خۆپیشاندان لەچەند شارێكی ئەمریكا بەهۆی كوشتنی جۆر فلۆێد لەشاری میناپۆلیس لەلایەن پۆلیسەوە لە25 مانگی ڕابردوو، سەریهەڵداوە.