گه‌ڕان

Shadow Shadow
سیاسه‌تی

کەسێکی تر لە سلێمانی بەهۆی کۆرۆنا گیانی لەدەستدا.. تەمەنی چەندە؟

2020.06.10 - 11:52
کەسێکی تر لە سلێمانی بەهۆی کۆرۆنا گیانی لەدەستدا.. تەمەنی چەندە؟

ناس کورد-

عەبدوڵا ئەحمەد، جێگری بەڕێوەبەری گشتی تەندروستی سلێمانی ڕایگەیاند، ئەم بەیانییە توشبوویەکی تری کۆرۆنا لە نەخۆشخانەى شەهید ئاسۆ گیانی لەدەستداوە.

 

ئەمڕۆ چوارشەممە، 10ی حوزەیرانی 2020، عەبدوڵا ئەحمەد تایبەت بە ناس کوردی ڕایگەیاند، ئەو کەسە پیاوێکی تەمەن 65 ساڵ بووە و خەڵکی ناو شاری سلێمانی بووە.

 

ئەو حاڵەتەى ئەمڕۆ دەبێتە 25 حاڵەتی گیانلەدەستدان بەهۆی کۆرۆنا لە سلێمانی، هەروەها 29یەمین لەسەر ئاستی هەرێم.

 

بەشێوەیەکی گشتی، ژمارەى توشبووانی کۆرۆنا لە هەرێم بە شێوەیەکی بەرچاو زیادی کردووە و گەیشتووە هەزار و 611 کەس، لەو ژمارەیەش 546 کەس چاکبوونەتەوە.