گه‌ڕان

Shadow Shadow
سیاسه‌تی

حەوت بڕیار و ڕێنمایی نوێ

ئەوقافی سلێمانی نوێژکردنی لە هەندێک مزگەوت قەدەغەکرد.. ’’نوێژی هەینی لە دەرەوەی مزگەوت بکرێت’’

2020.06.09 - 16:50
ئەوقافی سلێمانی نوێژکردنی لە هەندێک مزگەوت قەدەغەکرد.. ’’نوێژی هەینی لە دەرەوەی مزگەوت بکرێت’’

ناس کورد-

بەڕێوەبەرایەتی ئەوقافی سلێمانی ژمارەیەک بڕیار و ڕێنمایی نوێی دەرکرد و بەگوێرەی بڕیارەکان، مزگەوتەکانی ناو بازاڕ نوێژی تێدا ئەنجام نادرێت و وتاری هەینیش لەلایەن ئەوقافەوە دیاریدەکرێت و نابێت لە 10 خولەک زیاتر بێت، ئاماژە بەوەشکراوە، بەهیچ جۆرێک تەوقە لە مزگەوتدا نەکرێت.

 

 

ئەمڕۆ سێشەممە 9ی حوزەیرانی 2020، بەڕێوەبەرایەتی ئەوقافی سلێمانی لە کۆبوونەوەیەکدا چەند بڕیار و ڕێنماییەکی نوێی تایبەت بە مزگەوتەکان دەرکرد لە پرسی ڕێکارەکانی بەرەنگاربوونەوەی ڤایرۆسی کۆرۆنا.

 

بڕیارەکانی ئەوقافی سلێمانی:

 

١. مزگەوتەکانی ناو بازاڕ تەنیا تەوالێتەکانی کراوەدەبن و نوێژی تێدا ئەنجامنادرێت.

 

٢. ژنان نەیەن بۆ مزگەوت بۆ نوێژەکانی هەینی و جێگا و شوێنی نوێژەکانیان بەکاربهێنن تا کەمترین بەرکەوتە هەبێت لە مزگەوتەکاندا.

 

٣. هەوڵبدرێت وتاری هەینی لە دەرەوەی مزگەتەکان بدرێت، وەک ساحە و باخچە و شەقامی دەرەوەی مزگەوت، بە شێوازێک نارەحەتی بۆ خەڵکی دروستنەکات.

 

٤. وتاری هەینی ئەو بابەتە دەبێت کە بۆ مامۆستایان دەنێردرێت و نابێت لە ١٠ خولەک زیاتر بێت.

 

٥. تا بکرێت موسوڵمانان لە کاتی هاتنیان بۆ مزگەوت دەمامک و بەرماڵی تایبەتی خۆیان بەکاربێنن.

٦. هەوڵ بدرێت مەوادی پاککەرەوە (التعقیم) لە مزگەوتەکان دابنرێت لە رێی خێرخوازانەوە.

٧. بەهیچ جۆرێک تەوقەکردن لە مزگەوتەکاندا نەکرێت، چونکە هۆکارێکی سەرەکییە بۆ گواستنەوەی نەخۆشییەکە