گه‌ڕان

Shadow Shadow
سیاسه‌تی

هەرێم؛ حەوت کارمەندی دیکەی تەندروستی توشی کۆرۆنا بوون

2020.06.09 - 16:45
هەرێم؛ حەوت کارمەندی دیکەی تەندروستی توشی کۆرۆنا بوون

ناس کورد-

وەزارەتی تەندروستیی هەرێم دەستنیشانکردنی 33 حاڵەتی نوێی کۆرۆنای لە سنوری گەرمیان ڕاگەیاند و ئاماژەی بەوەشکرد، حەوت توشبوویان کارمەندی تەندروستیین.

 

لە ڕاگەیەندراوێکدا وەزارەتی تەندروستیی هەرێم ڕایگەیاند: "لە بەردەوامی پشکنینەکان و گەڕان بەدوای تووشبووان، 33 تووشبووی دیکەی ڤایرۆسی کۆڕۆنای نوێ COVID-19 لە دەڤەری گەرمیان دەستنیشانکران".

 

ئاماژە بەوەشکراوە، توشبووەکان پێکهاتوون لە 23 پیاو، نۆ ئافرەت و منداڵێك و سەرجەمیان بەرکەوتووی تووشبووی پێشوون.

 

بەگوێرەی ڕاگەیەندراوەکە، حەوت تووشبوو کارمەندی نەخۆشخانەن و گشت تووشبووەکان دانیشتووی قەزای کەلارن لە گەڕەکەکانی شەھیدان، ڕوناکی، گوندی ڕووناکی،  ڕاپەڕین، شۆڕش، جوتیاران، کەلاری نوێ، گردەگۆزینە، فەرمانبەران، کەلاری کۆن و ئاوارەکان.