گه‌ڕان

Shadow Shadow
سیاسه‌تی

ڕاوێژکارێکى دارایى کازمى لەبارەى دەستکاریکردنى موچەی فەرمانبەران رونکردنەوە دەدات 

2020.06.09 - 14:46
ڕاوێژکارێکى دارایى کازمى لەبارەى دەستکاریکردنى موچەی فەرمانبەران رونکردنەوە دەدات 

ناس کورد-

ڕاوێژکاری دارایی سەرۆکوەزیرانی عێراق، ڕەتیکردەوە دەستکاری موچەی فەرمانبەران بکرێت و رایگەیاند "تەنها باجی داهات لەو فەرمانبەرانە وەردەگیرێت کە موچەکانیان بەرزن".

 

ئەمڕۆ (سێشەمە 9ی حوزەیرانی 2020) مەزهەر محەمەد ساڵح، ڕاوێژکاری دارایی سەرۆکوەزیرانی عێراق، لە لێدوانێکی ڕۆژنامەوانیدا بۆ میدیا عێراقییەکان ڕایگەیاند :"حکومەت نیازی نییە هیچ بڕینێک لە موچەی فەرمانبەران ئەنجام بدات، بەڵام باجی داهات بەسەر ئەو فەرمانبەرانەدا جێبەجێدەکات کە موچەکانیان زۆرە".

 

ڕاوێژکارەکەی سەرۆکوەزیرانی عێراق، جەختیلەوەشکردوەوە، باجی داهات لەو فەرمانبەرانە وەرناگیرێت کە موچەکەنیان کەمە.

 

 ئاماژەی بەوەشکرد، ئەو دەنگۆیانەی کەپێش چەند ڕۆژێک لەمەوبەر بڵاوببوەوە کە گوایە بەڵگەنامەیەکی دزە پێکراوی حکومەت ئاماژەی بەو پرسە کردووە دورە لە ڕاستییەوە و هیچ بنەمایەکی نییە".

 

 چەند ڕۆژێک لەمەوبەر بەڵگەنامەیەکی نهێنی کە گوایە ڕەشنوسی پڕۆژەی کەمکردنەوەی موچەی فەرمانبەرانە و لە ئەمیندارێتی ئەنجومەنی وەزیرانی عێراقەوە دزەی پێکراوە تۆڕە کۆمەڵایەتییەکانی تەنی و کاردانەوەى زۆرى لێکەوتەوە.