گه‌ڕان

Shadow Shadow
سیاسه‌تی

هاوپەیمانى نێودەوڵەتى راگەیەندراوێکى لەبارەى کەوتنەخوارەوەى فڕۆکەیەکى لە عێراق بڵاوکردەوە

2020.06.09 - 09:00
هاوپەیمانى نێودەوڵەتى راگەیەندراوێکى لەبارەى کەوتنەخوارەوەى فڕۆکەیەکى لە عێراق بڵاوکردەوە

ناس کورد-

وتەبێژى هێزەکانى هاوپەیمانى نێودەوڵەتى لە عێراق رایگەیاند، بەهۆى کێشەیەکى تەکنیکییەوە فڕۆکەیەکى هاوپەیمانان لە بنکەى سەربازى ئاسمانى تاجى کەوتۆتە خوارەوە.

 

بەگوێرەى راگەیەندراوەکەى وتەبێژەکەى هاوپەیمانى نێودەوڵەتى "فڕۆکەکە لەکاتى نیشتنەوەیدا خۆى کێشاوە بە دیواى سەربازگەکە و بەو هۆیەوە تێکشکاوە و ئاگرى گرتووە".

 

وتەبێژەکەى هاوپەیمانان رونیکردەوە "روداوەکە بۆتە هۆى برینداربوونى 4 سەرنشین لەکۆى 16 سەرنشینى فڕۆکەکەو بۆ چارەسەرکردن گواستراونەتەوە بۆ نەخۆشخانە".

درەنگانێکى شەوى رابردوو سەرچاوەیەکی ئەمنی ڕایگەیاند، فڕۆکەیەکی تایبەت بە هاوپەیمانان لەکاتی نیشتنەوەیدا لە بنکەی سەربازی تاجی لە باکوری بەغدا تێکشکا.

  

سەرچاوەکە بە ناس کوردی ڕاگەیاند، "فڕۆکەکە لە جۆری C130 بووە و سەر بە هاوپەیمانی نێودەوڵەتی دژی داعش بووە." 

  

وتیشی، "تیمەکانی ئاگرکوژێنەوەى عێراقی چوونەتە شوێنی ئاگرەکە، فڕۆکەکە خۆی بە دیواری بنکەکەدا کێشاوە و کەوتووەتە خوارەوە."