گه‌ڕان

Shadow Shadow
سیاسه‌تی

لە 24 کاتژمێری ڕابردوودا سێ حاڵەتی گیانلەدەستدان و 102 توشبووی کۆرۆنا لە هەرێم تۆمار کراون

2020.06.08 - 17:47
لە 24 کاتژمێری ڕابردوودا سێ حاڵەتی گیانلەدەستدان و 102 توشبووی کۆرۆنا لە هەرێم تۆمار کراون

ناس کورد-

وەزارەتی تەندروستی هەرێم دەرەنجامی 24 کاتژمێری ڕابردووی پەتای کۆرۆنای ڕاگەیاند، سێ توشبوو گیانیان لەدەستداوە و  102 تووشبووی نوێش تۆمار کراون.

 

وەزارەتەکە ئەمڕۆ دووشەممە، 8ی حوزەیرانی 2020، لە ڕاگەیەنراوێکدا دەڵێت، تاوەکو ئەمڕۆ 12 هەزار و 856 هاووڵاتی "ئەوانەی کە لە دەرەوەی ووڵات گەڕانەتەوە وە ئەوانەی کە بەرکەوتەی نەخۆشە چەسپێنراوەکان" کەرەنتین کراون.

 

دەشڵێت، لە ماوەی 24 کاتژمێری ڕابردوودا دوو هەزار و 516 پشکنین ئەنجام دراوە لەسەر ئاستی هەرێمی کوردستان؛ هەزار و 352 لە هەولێر، 752 لە سلێمانی، 400 لە دهۆك و  12 گەرمیان. 

 

دەرەنجام لەو 24 کاتژمێرەدا سێ حاڵەتی گیانلەدەستدان  و 102 تووشبووی نوێ تۆمار کرا بەم شێوەیەی خوارەوە:

 

- پارێزگای هەولێر 15 پۆزەتیڤ: (8) ئافرەت و (2) پیاو و (3) منداڵ و کوڕ و کچێکی گەنج، حەفت بەرکەوتووی تووشبووانی پێشوون یەك تووشبوو لە ئێران گەڕایتەوە و لە کەرەنتین بوو، حەفت تووشبوو نیشانەی نەخۆشیەکەیان ھەیە، دانیشتووی گەڕەکەکانی ڕۆشنبیری و فەرمانبەران و باداوە و ڕزگاری و کرێکاران و شەھیدان و زانیاری و ئازادی و برایەتی و ناحیەی بنەسلاوە و ناحیەی ڕزگاری لە شاری ھەولێر.

 

- پارێزگای سلێمانی (85) پۆزەتیڤ و (3) گیان لەدەستدان:

شاری سلێمانی (73) پۆزەتیڤ و (3) گیان لە دەستدان: (40) پیاو و (23) ئافرەت و (4) منداڵ و (4) کوڕی گەنج و (2) کچی گەنج، سی و یەك تووشبوو بەرکەوتووی تووشبووانی پێشوون و چل تووشبوو نیشانەی نەخۆشیەکەیان ھەیە، یەك تووشبوو دانیشتووی ناحیەی پیرەمەگرون، بیست و پێنج تووشبوو دانیشتووی قەزای پێنچوێن، یەك تووشبوو دانیشتووی ھەڵەبجەی تازە، یەك تووشبوو دانیشتووی قەزای سەید سادق، دوو تووشبوو دانیشتووی شاری دھۆك لە سلێمانی دەستنیشان کراون، یەك تووشبوو دانیشتووی عەربەت، یەك تووشبوو دانیشتووی شارەزوور، چل و یەك تووشبوو دانیشتووی ناو شاری سلێمانی.

 

- ئیدارەی گەرمیان (12) پۆزەتیڤ: (9) پیاو و (2) ئافرەت و کچێکی گەنج، ھەموو تووشبووەکان بەرکەوتووی تووشبووانی پێشوون، یەك تووشبوو دانیشتووی قەزای کفری/ کوڵەجۆلە، چوار تووشبوو دانیشتووی قەزای کفری/ گەڕەکی نەورۆز، سێ تووشبوو دانیشتووی قەزای کەلار/ گەڕەکی شەھیدان، یەك تووشبوو دانیشتووی قەزای کەلار/ گەڕەکی ڕاپەڕین، سێ تووشبوو دانیشتووی قەزای کەلار/ گەڕەکی بنگرد.

 

- پارێزگای دهۆك (2) پۆزەتیڤ: (2) ئافرەت تەمەن 48 و 44 ساڵ، بەرکەوتووی تووشبووانی پێشوون لە کەرەنتین بوون، دانیشتووی ناو شاری دھۆکن.

 

هەر بەپێی ئامارەکان، کۆی گشتی تووشبووان بە ڤایرۆسی کۆڕۆنای نوێ COVID-19 لە هەرێمی کوردستان  هەزار و 324 تووشبوو، لەنێویاندا (27) مردن هەیە و (537) نەخۆش چاکبووەتەوە، وە ئێستا (760) نەخۆش لەژێر چاودێری پزیشکی دان.