گه‌ڕان

Shadow Shadow
سیاسه‌تی

ژمارەی گیانلەدەستدان بە ڤایرۆسەکە لە هەرێم گەیشتە 27 کەس

وەزارەتی تەندروستی: توشبوویەکی دیکەی کۆرۆنا لەسلێمانی گیانیلەدەستدا

2020.06.08 - 14:54
وەزارەتی تەندروستی: توشبوویەکی دیکەی کۆرۆنا لەسلێمانی گیانیلەدەستدا

ناس کورد-

وەزارەتی تەندروستیی هەرێم گیانلەدەستدانی توشبوویەکی دیکەی کۆرۆنای لەشاری سلێمانی ڕاگەیاند کە پیاوێکی تەمەن 66 ساڵە.

 

وەزارەتی تەندروستیی هەرێم لە ڕاگەیەندراوێکدا ڕایگەیاند: "تووشبووێکی نەخۆشی ڤایرۆسی کۆڕۆنای نوێ COVID19 کە پیاوێکی تەمەن 66 ساڵی دانیشتووی قەزای سەیدسادقی سەر بە پارێزگای سلێمانییە، دوای خەواندن و مانەوە لە نەخۆشخانە گیانی لەدەستدا".

 

راگەیەندراوەکە ئاماژەی بەوەشکردووە: "وێڕای پرسە و سەرەخۆشی لە خانەوادە و کەسوکاری خوالێخۆشبوو هیوادارین هاووڵاتیان پابەندی ڕێنماییەکانی تەندروستی بن".

 

بە گیانلەدەستدانی ئەو کەسە، ژمارەی گیانلەدەستدان بە ڤایرۆسەکە لە هەرێمی کوردستان گەیشتە 27 کەس و توشبووانیش زیاتر لە هەزار و 300 توشبوو.