گه‌ڕان

Shadow Shadow
سیاسه‌تی

ئەگەر هەیە ئەم هەفتەیە پەرلەمان کۆبێتەوە

گۆڕان داواى بانگهێشتکردنى مەسرور بارزانى و قوباد تاڵەبانى و ئاوات شێخ جەناب دەکات

2020.06.07 - 15:20
App store icon Play store icon Play store icon
گۆڕان داواى بانگهێشتکردنى مەسرور بارزانى و قوباد تاڵەبانى و ئاوات شێخ جەناب دەکات

ناس کورد-

فراکسیۆنى گۆڕان داواى بانگهێشتکردنى سەرۆکى حکومەت و جێگرەکەى و وەزیرى دارایی دەکات بۆ پەرلەمان، بۆ تاوتوێکردنى پرسی دواکەوتنى موچە، پەرلەمانتارێکیش دەڵێت، ئەگەر هەیە ئەم هەفتەیە پەرلەمان کۆبوونەوەکانى دەستپێبکاتەوە.

کەناڵی ناس کورد لە تێلیگرام جۆین بکە   

 

بەپێی نوسراوێک کە واژۆى سەرجەم پەرلەمانتارانى گۆڕانى لە پەرلەمانى کوردستان لەسەرە و ڕەوانەى سەرۆکایەتى پەرلەمان کراوە، داواکراوە بەپێی ماددەى 66ى خاڵى یەکەمى پەیڕەوى ناوخۆ پرسی دواکەوتنى موچە و رێگاکانى چارەسەر بخرێتە بەرنامەى کارى کۆبوونەوەکانى پەرلەمانەوە.

 

هەروەها داواکراوە لەسەر ئەو پرسە، سەرۆکى حکومەت و جێگرەکەى و وەزیرى دارایی بانگهێشتى پەرلەمان بکرێن.

me_ga.php?id=236

پەرلەمانى کوردستان لەحەوتى مانگى ڕابردووەوە نەیتوانیوە کۆبێتەوە، بەهۆى ناکۆکى لایەنەکانەوە لەسەر ئاڕاستەى کارەکانى ئەو دامەزراوەیە، ئەوەش دواى هەڵگرتنى پارێزبەندى لەسەر پەرلەمانتار سۆران عومەر لەکۆبوونەوەیەکدا کە حەوت فراکسیۆن لەناویاندا یەکێتى و گۆڕان بایکۆتیان کرد.

 

جەلال محەمەد، پەرلەمانتارى فراکسیۆنى گۆڕان لە پەرلەمانى کوردستان بە ناس کوردى ڕاگەیاند، "دواى هەڵگرتنى کەرەنتینە و دەستپێکردنەوەى دەوام لە فەرمانگەکان، هیچ رێگرێک نەماوە بۆ کۆنەبوونەوەى پەرلەمان".

 

وتیشى، "پێدەچێت ئەم هەفتەیە پەرلەمان کۆبێتەوە، هەرچەندە بڕیار لەلاى دەستەى سەرۆکایەتى پەرلەمانە".