گه‌ڕان

Shadow Shadow
سیاسه‌تی

’’چیتر سەرمان مەبەن لە سلێمانی’’

پەرلەمانتارێکی گۆڕان بۆ هاوسەرۆکانی یەکێتی: دەست نەما ماچی نەکەن تاوەکو فواد حسێن ببێتە وەزیر

2020.06.06 - 18:17
پەرلەمانتارێکی گۆڕان بۆ هاوسەرۆکانی یەکێتی: دەست نەما ماچی نەکەن تاوەکو فواد حسێن ببێتە وەزیر

ناس کورد-

غالب محەمەد، پەرلەمانتاری گۆڕان لە پەرلەمانی عێراق ڕایگەیاند، فواد حسێن بە دەنگی پەرلەمانتارانی یەکێتی بووە وەزیری دەرەوەى عێراق و "با چیتر هاوسەرۆکانی یەکێتی سەرمان نەبەن لە سلێمانی."

 

غالب محەمەد لە تویتەری خۆی نوسیویەتی، "چیتر با هاوسەرۆکانی یەکێتی سەرمان نەبەن لە سلێمانی بەناوی خەڵک قسە دەکەن و داوای مافیان بکەن و لە بەغداش لەگەڵ پارتی دەست نەما ماچی نەکەن تاوەکو فواد حسێنەکەیان ببێتە وەزیر."

 

دەشڵێت، "با ئەو ماچکردنە لەسەر موچە بوایە!!!، کەواتە ئێوە گیانێکن لە دوو جەستەدا".



هاوکات هۆشيار عەبدوڵا، ئەندامى پەرلەمانى عێراق لەسەر پشكى فراكسۆنى گۆڕان داواى ڤيديۆى كاتى دەنگدان بە حەوت وەزيرەكەى حكومەتى عێراق دەكات و پێشى وايە، تێپەڕاندنى فواد حسێن بۆ پۆستی وەزیری دەرەوە سوكايەتيكردنە بە سيستمى ناوخۆى پەرلەمان.

 

هۆشيار عەبدوڵا لە داواكاريەكەيدا بۆ جێگرى سەرۆكى پەرلەمان نوسيويەتى، "داواتان لێدەكەين ڕەزامەندى بدەن بە بازنەى ڕاگەياندن پەرلەمان بۆ ئەوەى كۆپيەكى دانيشتنى ڕۆژى شەممە، 6ی حوزەیرانی 2020م بدەنێ، چونكە پێويستى گرنگم پێيەتى."

 

سەبارەت بە داواكاريەكەى، هۆشيار عەبدوڵا لە ئەكاونتى خۆى لە تۆڕى كۆمەڵايەتى فەيسبوك نوسيويەتى، "وەزیرەکانی ئەمڕۆ بە گوزارشتی ڕەشی (زۆرینە دیار) تێپەڕین نەک بە دەنگی ژمێردراوی پەرلەمانتاران."

 

باسى لەوەشكردوە، دەنگی نارەزایەتیمان بەرزکردەوە وەڵامی سەرۆکی پەرلەمان ئەوەبوو کە داوای ڤیديۆی دانیشتنەکە بکەین بۆ ژماردنەوەی دەنگەکان، "ئەمە چ دەنگدانێکە کەس نەزانێ لە کۆی ئامادەبووان وەزیر چەند دەنگی هێناوە؟"

 

هۆشيار عەبدوڵا لە بەياننامەيەكدا ڕونيكردوەتەوە، بەداخێكى زۆرەوە لەبەر چاوى هەموان سوكايەتى بە سيستمى ناوخۆيى پەرلەمان كرا و پێشێلكرا، ئێستا "ڕازيكردنى كوتلەكان لە دەرەوە و ناوەوەى پەرلەمان بە دەربڕينى زۆرينەى ديار بووە بە مۆدە، بەرزكردنەوەى دەستەكانيش لەناو پەرلەماندا هەرچەندە كەم بن."