گه‌ڕان

Shadow Shadow
سیاسه‌تی

عامری لە ئەندامێتی پەرلەمان دەستی لەکارکێشایەوە

شارەزایەکی ئەمنی: پێدەچێت عامری ببێتە سەرۆکى دەستەى حەشدی شەعبی لەسەر داوای ئێران

2020.06.06 - 16:54
شارەزایەکی ئەمنی: پێدەچێت عامری ببێتە سەرۆکى دەستەى حەشدی شەعبی لەسەر داوای ئێران

ناس کورد-

لەدوای دەستلەکارکێشانەوەى هادی عامری، سەرۆکى هاوپەیمانی فەتح لە ئەندامێتی پەرلەمانی عێراق، شارەزایەکی ئەمنیی عێراقی ڕایگەیاند، پێدەچێت عامری بکرێتە سەرۆکى دەستەى حەشدی شەعبی، هەرچەندە دەستەکە ڕەتی کردەوە.

 

ئەمڕۆ شەممە 6ی حوەزیرانی 2020، هیشام هاشمی، شارەزای ئەمنیی عێراق لە تویتەری خۆی نوسیویەتی، "پێدانی ئەو پۆستە بە عامری لەسەر پێشنیازی فەرماندەی سوپای پاسدارانی ئێرانە بووە."

 

هاشمی ئاماژەی بەوەکردووە، "پێدەچێت پۆستێکی جێبەجێکاری وەربگرێت، دەنگۆی ئەوەش هەیە پۆستی سەرۆکایەتی دەستەی حەشدی شەعبی وەربگرێت".

 

هاشمی دەشڵێت، "پێدانی پۆستی سەرۆکایەتی حەشدی شەعبی بە عامری لە سەر پێشنیازی ئیسماعیل ئاقانی، فەرماندەی سوپای پاسدارانی ئێران بووە کە هەفتەی ڕابردوو سەردانی عێراق کردبوو".

 

بەڵام دەستەى حەشدی شەعبی هەرزوو زانیارییەکەى ڕەتکردەوە و دەڵێت، سەرۆکى دەستەکە ناگۆڕێت.