گه‌ڕان

Shadow Shadow
سیاسه‌تی

توێژینەوەیەكی پزیشكی: پیاوانی كەچەڵ زیاتر بەدەست نەهامەتییەكانی كۆرۆناوە دەناڵێنن

2020.06.05 - 22:00
توێژینەوەیەكی پزیشكی: پیاوانی كەچەڵ زیاتر بەدەست نەهامەتییەكانی كۆرۆناوە دەناڵێنن

 

ناس کورد-

بەپێی نوێترین توێژینەوەی زانكۆی براونی ئەمریكا، لەسەر مەترسییەكانی ڤایرۆسی كۆرۆنا، پیاوی كەچەڵ زیاتر بەدەستی ڤایرۆسەكەوە دەناڵێنن و ئەگەری توشبوونیان زیاترە.

 

توێژینەوەكە جەخت لەوەدەكاتەوە، كەچەڵی یەكێكە لە هۆكارە مەترسیدارەكان بۆ توشبوون بەنەخۆشیەكە و هۆكارەش نیشانەكانی گابرنی پێدەوترێت، ئەوەش وەكو ئاماژەیەك بۆ فڕانك گابرن كە یەكەم پزیشكی كەچەڵی ئەمریكی بوو ڤایرۆسەكە كوشتی.

 

پرۆفیسۆر كارلۆس وامبێر، سەرپەرشتیاری توێژینەوەكە بەڕۆژنامەی تەلەگرافی وتووە، كەچەڵی دەبێتەهۆی قورسبوونی پەتاكە.

 

توێژەرەكە سەرجەم ئەو داتایانەشی شیكردووەتەوە لەئیسپانیا كە ژمارەیەكی زۆری پیاوی كەچەڵ تووشی ڤایرۆسەكە بوون و بەوهۆیەوە گواستراونەتەوە بۆ نەخۆشخانە.

 

كارلۆس باسی لەوەش كردووە، هۆرمۆناتی سێكسیی نێرینە بەشداری لە وەرینی قژدا دەكات و مەترسی هێرش كردنی ڤایرۆسەكە بۆ خانەكانی لەش زیاتر دەكات.

 

دەشڵێت، لەوباوەڕەدان ئەندرۆژین و هۆرمۆناتە نێرینەیەكان دەروازەیەكن بۆ ئەوەی ڤایرۆسەكە بچێتە ناو لەشەوە.

 

بەوتەی ئەو پسپۆڕە، دەرمانی چالاككردنی هۆرمۆناتەكان لەناویاندا ئەوانەی بۆ چارەسەری كەچەڵی و ڕووتاندنەوەی قژ بەكاردەهێنرێت، یارمەتی خاو كردنەوەی نەخۆشیەكە دەدەن.