گه‌ڕان

Shadow Shadow
سیاسه‌تی

ڕێبوار تەها: تەواوی بازگە نافەرمییەکانی ڕێگاکانی دەرەوەی کەرکوک لادەبرێن

2020.06.05 - 21:18
ڕێبوار تەها: تەواوی بازگە نافەرمییەکانی ڕێگاکانی دەرەوەی کەرکوک لادەبرێن

ناس کورد-

ئێوارەی ئەمڕۆ هەینی بازگەی چیمەن لە سنوری پارێزگای کەرکوک کە پۆلیسی فیدڕاڵی تێدا بوو لادرا و پەرلەمانتارێکی کوردی عێراقیش دەڵێت، تەواوی ئەو بازگە نافەرمیانەی دیکەش کە ببونەهۆی بێزارکردنی خەڵک لادەبرێن.

 

ڕێبوار تەها، ئەندامی پەرلەمانی عێراق و نوێنەری پارێزگای کەرکوک لە هەژماری خۆی لە تۆڕی کۆمەڵایەتی فەیسبوک بڵاویکردەوە: "تەواوی ئەو بازگە نافەرمیانەی لە ڕێگاکانی دەرەوەی شاری کەرکوک هەبوون (چيمەن ، داقوق ، پردێ ...) و ببوونە هۆکاری بێزارکردنی خەڵک لادەبرێن و تەنها بازگە فەرمییەکان دەمێننەوە".

 

ئەو پەرلەمانتارە کوردە ئاماژەی بەوەشکردووە، وەک هەنگاوی یەکەمیش ئێوارەی ئەمڕۆ هەینی 5ی حوزەیرانی 2020، بازگەی چیمەن هەڵگیرا.

 

ئەمە لەکاتێکدایە، لەدوای ڕووداوەکانی 16ی ئۆکتۆبەری 2017، چەندین بازگە لە سنوری کەرکوک دانران و هاووڵاتیانی سنورەکەش ناڕەزایەتی زۆریان لەوبارەیەوە دەردەبڕی.