گه‌ڕان

Shadow Shadow
سیاسه‌تی

واشنتن پۆست: كردەوەكانی ترەمپ ڕیزەكانی چەند چینێكی جیاوازی ئەمریكای یەكخستووە

2020.06.05 - 18:44
واشنتن پۆست: كردەوەكانی ترەمپ ڕیزەكانی چەند چینێكی جیاوازی ئەمریكای یەكخستووە

ناس کورد- 

 

ڕۆژنامەی واشنتۆن پۆستی ئەمریكا لەسەر زاری نوسەرێكی دیاری ئەو وڵاتەوە بڵاویكردەوە، كردەوەكانی ترەمپ دژی خۆپیشاندەرانی ناڕازی لەتاوانی كوشتنی فڵۆیدی ڕەشپێست بووەتەهۆی یەگكرتنی ڕێزی ڕەش پێست و سپی پێست و چەندین چینی تر لەدژی و ڕەنگە بەكۆتایهێنان بەقەڵەمڕەوەییەكەی كۆتایی بێت.

 

یۆگین ڕۆپنسۆن لەمیانی نوسینی وتارێكی دا كە لەڕۆژنامەكە بڵاوكراوەتەوە ڕایگەیاندووە، بۆ یەكەمجار گازی فرمێسكڕیژ  لەسەردەمی  ئۆگستۆ بینۆچی، دیكتاتۆری چیلیەوە وەحشیگەرانە لەدژی خۆپیشاندەرانی ئاشتیخواز بەكار هێنرا.

 

باسی لەوەش كردووە، خراپ مامەڵەكردنی بەرپرسانی دەوڵەت لەنزیك كۆشكی سپی لە ڕۆژی دووشەممەی ڕابردوو، بیرەوەرییەكانی ئەو كات و شوێنەی بیردەخاتەوە كە چۆن وەحشیگەرانە گازی فرمێسك ڕێژ لەدژی خۆپیشاندەران بەكارهاتووە و ئەو دیمەنانەش مەترسیەكی تر دەردەخات كە ڕوبەڕووی دەبنەوە.

 

نوسەری وتارەكە باسی  ڕوداوەكانی چیلی دەكات بۆ كۆتاییهێنان بە خۆپیشاندانەكان و بەكارهێنانی گازی فرمێسكڕێژ كە چۆن ڕەگەزپەرستی لە باشوری ئەفریقیاوە هێناوەتەوە بۆ زیندوكردنەوەی حوكمی بینۆشیە.

 

واشنتۆن پۆست لەسەرزاری نوسەرەكەوە دەڵێت، ئەو هەنگاوەی كە ترەمپ گرتیەبەر بۆ بەكارهێنانی سوپا لەدژی خۆپیشاندانەكان كەبەبۆنەی كوشتنی پیاوە ڕەشپێستەكەوە سەریانهەڵدا ئەوا ستەمكارییە و مەترسیەكانی ترەمپ لەسەر ئەو ستراتیژەی كە ئەمریكا لەسەر دامەزراوە ڕووندەكاتەوە.

 

یۆگین دەشڵێت،  بەو خۆپیشاندانانە كە خەڵكانی سپی پێست و ڕەش پێست و خەڵكانی ئاسیا بێ جیاوازی بەشداریان تێدا كرد، ڕێزەكانی خۆیان لەدژی ترەمپ ڕێكخست و بەكارهێنانی هێز لەدژی خۆپیشاندەرانیش وا دەكات كۆتاییەكەی بەلەسەر كارلابردنی تڕەمپ كۆتایی بێت.