گه‌ڕان

Shadow Shadow
سیاسه‌تی

تەندروستیی جیهانی: سوککردنی گرتنەبەری ڕێوشوێنەکان مانای کۆتاییهاتنی کۆرۆنا نییە

2020.06.05 - 17:27
تەندروستیی جیهانی: سوککردنی گرتنەبەری ڕێوشوێنەکان مانای کۆتاییهاتنی کۆرۆنا نییە

ناس کورد-

ڕێكخراوی تەندروستی جیهانی ڕایدەگەیەنێت، سوككردنی گرتنەبەری ڕێوشوێنە تەندروستیەكان بەواتای كۆتایی هاتنی پەتای کۆرۆنا نیە و تا ڤایرۆسەكە لەهەر شوێنێكی جیهاندا بمێنێتەوە پەتاكە ماوەتەوە.

 

مارگرێت هاریس، وتەبێژی ڕێكخراوی تەندروستیی جیهانی ڕایگەیاند: " ئەوەی كە پەیوەندی بەدابەزینی ئاستی تۆماركردنی توشبووانی کۆرۆناوە هەیە بەڵێ لەهەموو وڵاتاندا ئەوە دەبینرێت، لەبارەی سوكردنی گرتنەبەری ڕێوشوێنەكانەوە زۆرجار خەڵكی وای لێكیدەداتەوە كە پەتاكە كۆتایی هاتووە، بەڵام بەوشێوەیە نییە". 

 

ئاماژەی بۆ ئەوەشكردووە، لە ئێستادا پەتاكە كۆتایی نەهاتووە و تا ڤایرۆسەكەش لەهەر شوینێكی جیهان بمێنێتەوە، پەتاكەش لەناو نەچووە.

 

داواشی لە خۆپیشاندەرانی ئەمریكا كرد لەگردبونەوەكانیاندا پابەندی ڕێنمایە تەندروستیەكان بن و كۆمەڵگە بپارێزن.

 

لەئێستادا ژمارەی توشبووانی کۆرۆنا لە جیهاندا شەش ملیۆن کەسی تێپەڕاندووە و چەند وڵاتێكیش بەردەوامن لەسەر هەوڵەكانیان بۆ دۆزینەوەی ڤاكسنینێك لەدژی پەتاكە بۆ ئەوەی بەزووترین كات بخرێتە بواری بەكارهێنانەوە.

 

لەوبارەیەوە ماڵپەڕی فۆكسی ئەمریكی بڵاویكردەوە، گەرچی زۆربەی خەڵكی لەو باوەڕەدان كە ڤاكسینەكە دەتوانێت ژیانیان ڕزگار بكات لەبەڵای ڤایرۆسەكە، بەڵام شارەازیان جەختیان لەوە كردووەتەوە بەكارهێنانی ڤاكسینەكەش لەدژی كۆرۆنا بەس نیە بۆ كۆتایی هێنانی پەتاكە.

 

شارەزایانی بوارەكە ئاماژە بۆ ئەوەشدەكەن، چوار هۆكاری پەیوەست بە ڤاكسینەكەوە هەن دەبێت بۆ قەڵاچۆكردنی پەتاكە بەیەكجارەكی تێیدا بێت، كە ئەمانەن:

 

كاریگەری: ئایا ڤاكسینەكە بەدرێژای ژیان بەرگری دەبەخشێت..؟

 

كاتەكەی: چەندی پێدەچێت بۆ ئەوەی خەڵكی دەستی بگاتە ڤاكسینەكە.

 

دابەشكردن: ئایا هەموو وڵاتێك بەریدەكەویت..؟

 

ڕینمایە تەندروستییە گشتیەكان: خەڵكی دەتوانێت لەسەریان بەردەوام بێت تا گەیشتنە ڤاكسینەكە.