گه‌ڕان

Shadow Shadow
سیاسه‌تی

کوڵەجۆ: لەهێرشێکى داعشدا بۆ سەر گوندێک سێ هاووڵاتى شەهید بوون

2020.06.04 - 14:02
کوڵەجۆ: لەهێرشێکى داعشدا بۆ سەر گوندێک سێ هاووڵاتى شەهید بوون

ناس کورد – سابیر عەبدوڵا

بەڕێوەبەرى ئاسایشى گوڵاڵە رایگەیاند، لەهێرشێکى چەکدارەکانى داعشدا بۆ سەر بەشێک لە هاووڵاتیانى گوندى ئیسڵاح سێ هاووڵاتى شەهید بوون و هاووڵاتییەکیش بریندار بوو کە باوکى شەهیدەکانە.

 

عەمید شەماڵ عەبدولڕەحمان، بەڕێوەبەرى ئاسایشى گوڵاڵە بە ناس کوردى وت "کاتێک هاوڵاتىیەک بەناوى (حسێن ئیسماعیل) دانیشتوى گوندى ئیسڵاح لە نزیک گوندەکەى چووەتە ناو کێڵگە کشتوکاڵیەکەیەوە لە نزیکى ڕوبارەکە چەند چەکدارێکى داعشى بینیوە و تەقەى لێ کردوون و ئەویش پەیوەندى بە کوڕەکانیەوە کردووە و بەچەکەوە هاتوون بەڵام ئەو چەکدارانەى داعش بۆسەیان بۆداناون و لە ئەنجامدا هەرسێ کوڕەکە کوژراون و باوکەکەشیان بەخەستى بریندار بووە و ئێستا لەنەخۆشخانەى گوڵاڵەیە".

 

سەبارەت بە جموجۆڵەکانى داعش لەو سنورە بەڕێوەبەرى ئاسایشى گوڵاڵە ئاماژەى بۆ ئەوە کرد " داعش لەو سنورە ماوەو لەگەڵ هاوڵاتیان زۆر جار بەریەک کەوتنیان هەیە و تەقە لەیەکترى دەکەن ".

 

سەبارەت بە ئۆپەراسیۆنى هێزە عێراقیەکان کە ماوەى سێ ڕۆژە دژى چەکدارانى داعش دەستی پێ کردووە، بەڕێوەبەرى ئاسایشى گوڵاڵە رونیکردەوە" ئەو ئۆپەراسیۆنانەى هێزە عێراقیەکان ئەنجامى دەدەن کارىگەرىیەکى ئەوتۆى لەسەر جموجۆڵەکانى داعش نەبووە چونکە ئەوان لە جاددەى قیڕ لانادەن و داعشەکانیش لە قەراغى چەم و ناوچە دورە دەستەکان خۆیان حەشارداوە ".