گه‌ڕان

Shadow Shadow
سیاسه‌تی

چیرۆکی پیاوێکی 58 ساڵە لە سۆران

لە کەرەنتینەدا توشی نەخۆشی دەرونی بوو، ئەمڕۆ لە ماڵەکەی خۆیدا خۆی خنکاند

2020.06.03 - 14:00
لە کەرەنتینەدا توشی نەخۆشی دەرونی بوو، ئەمڕۆ لە ماڵەکەی خۆیدا خۆی خنکاند

ناس کورد ـ 

هاوڵاتییەکی 58 ساڵ لە قەزای‌ سۆران کۆتای بە ژیانی خۆی هێنا، سەرچاوەیەکی نزیک لە خانەوادەکەشی دەڵێت، ماوەی دوو مانگە بە قورسی توشی نەخۆشی دەرونی بووە.

 

ئەمڕۆ چوارشەممە، 3ی حوزەیرانی 2020، شەماڵ دێواری، وتەبێژی پۆلیسی سۆران بە ناس کوردی ڕاگەیاند: "بەیانی ئەمڕۆ كاتژمێر 11:00ی پێشنیوەڕۆ ئاگادار كراینەوە بە هەبونی تەرمێك بەناوی (ڕەشید محەمەد عەبدوڵا) لە گەڕەكی جندیانی قەزای سۆران، دەستبەجێ تیمەكانی پۆلیس و ئاسایش و تیمەكانی پۆلیسی بەڵگە و تاوان، گەیشتنە شوێنی ڕوداو".

 

ڕونیشیکردەوە، بەپێی لێكۆلێنەوە سەرەتاییەكان و گوتەى خێزانی مردووەکە، گومان دەكرێ ناوبراو تووشی نەخۆشی دەرونی ببێت".  

me_ga.php?id=230

سەرچاوەیەکی نزیک لە خانەوادەکەى بە ناس کوردی ڕاگەیاند: "ماوەی دوو مانگە ڕەشید بە قورسی تووشی نەخۆشی دەرونی بووە، تا ئەمڕۆ چوارشەممە لە ماڵەکەی خۆی بە پەت خۆی خنکاند".

 

باسی لەوەشکرد کە ناوبراو "کەسێکی کۆمەڵایەتی و قسەخۆش بووە، حەزی زۆری بەگەڕان و گەشت دەکرد بۆ نێو سروشت و چیا".

 

ئەو سەرچاوەیە وتیشی: "ڕەشید پیشەی جامچی بوو لە قەزای سۆران، کێشەی ماددی و بژێوی نەبوو، تەنها ئەوە نەبێت لە سەردەمی کەرەنتینە بەقورسی تووشی حاڵەتی دەرونی و دڵ توندی بوو".

 

ڕەشید تەمەنی 58 ساڵە و خاوەنی ماڵ و منداڵە و کەسێکی بێ کێشەو گرفت پیشەی‌ جۆراو جۆریشی زانیوە".

me_ga.php?id=231