گه‌ڕان

Shadow Shadow
سیاسه‌تی

دەعوەتەکەى دهۆک کارەساتی دروستکردووە.. 19 کەسی تر توشی کۆرۆنا بوون

2020.06.03 - 10:53
دەعوەتەکەى دهۆک کارەساتی دروستکردووە.. 19 کەسی تر توشی کۆرۆنا بوون

ناس کورد-
وەزارەتی تەندروستی هەرێم ڕایگەیاند، لە بەردەوامی پشکنینەکان و گەڕان بەدوای گومانلێکراوان و تووشبووان، 19 تووشبووی ڤایرۆسی کۆڕۆنای نوێ (COVID-19) لە پارێزگای دهۆك دەستنیشانکران، ھەشت پیاو و ھەشت ئافرەت و سێ منداڵ.

 

وەزارەتەکە دەشڵێت، ھەموویان بەرکەوتووی تووشبوێکی پێشوون لە بەشداربوونیان لە دەعوەتێکی نان خواردن و دانیشتووی ناو شاری دهۆكن.

 

ئەوە لەکاتێکدایە شەوی ڕابردوو وەزارەتی تەندروستیی هەرێم تۆمارکردنی 33 حاڵەتی توشبوونی بە کۆرۆنا لە دهۆک ڕاگەیاند کە سەرجەمیان بەرکەوتووی تووشبویەکی پێشوون لە بەشداربوونیان لە دەعوەتەکە، واتە 52 کەس لەو دەعوەتەدا توشبوون.

 

بەپێی دواین ئامار، تاوەکو بەیانی ئەمڕۆ چوارشەممە، 3ی حوزەیرانی 2020، 849 کەس لە هەرێمی کوردستان توشی نەخۆشی کۆرۆنا بوون، لەو ژمارەیەش 434 کەس چاکبوونەتەوە و 14 کەسیش بەهۆیەوە مردووە.