گه‌ڕان

Shadow Shadow
سیاسه‌تی

یەکێکیان سلێمانییە’’

وەزیری تەندروستی عێراق زەنگی مەترسی لێدا بەهۆی هەڵکشانی کۆرۆنا لە سێ پارێزگا

2020.06.03 - 10:06
وەزیری تەندروستی عێراق زەنگی مەترسی لێدا بەهۆی هەڵکشانی کۆرۆنا لە سێ پارێزگا

ناس كورد-

وەزیری تەندروستی عێراق هۆشداری دا ژمارەی توشبووانی ڕۆژانە بە ڤایرۆسی كۆرۆنا بۆ نزیكەی 800 حاڵەتی توشبوون لەچەند پارێزگایەك كە سلێمانیشی تێدایە زیاد بكات.

 

حەسەن تەمیمى، وەزیرى تەندروستى عیراق ڕایگەیاند، ئامادەبوونی تیمی تەندروستی لە هەڵمەتەكانی كیوماڵكردنی سەرتاسەری گەڕەكەكانی بەغدا بەشداری كردووە لە سەركەوتن بۆ كۆنترۆڵكردنی دۆخەكە و دەستەبەركردنی كەشوهەوایەكی تەندروستر بۆ هاوڵاتیان.

 

ئاماژەی بۆ ئەوەش كردووە، تۆماركردنی ژمارەیەكی زۆری توشبوو لە پارێزگاكانی سلێمانی و میسان و واسیت وای كرد شانەی قەیرانەكان بڕیاری توندوتۆڵتركردنی دەروزاە سنورییەكان و دەروازەكانی شارەكان بدات بەهۆی بڵاوبونەوەی خێرای پەتاكە بەناو هاوڵاتیاندا و ئەگەری ئەوەش هەیە حاڵەتەكان ڕۆژانە 600 بۆ 800 توشبوو زیاد بكات.

 

وەزیری تەندروستی عێراق دەشڵێت، كێشەكە لە ناهۆشیاری هەندێك هاوڵاتیاندایە و بەرزبونەوەی ڕێژەی توشبوون بۆ چەند هۆكارێك دەگەڕێتەوە، یەكێك لەوانە زیادكردنی پرۆسەكانی پشكنینی مەیدانی و ئەنجامدانی ڕێوشوینەكانی تاقیگەی بۆ وەرگرتنی نمونە ئەوەش دەرفەتی ڕەخساند بۆ دۆزینەوەی توشبووی نوێ پێش دەركەوتنی نیشانەكانیان كە بەركەوتەیان لەگەڵ خەڵكانی دیكەدا هەبووە.

 

تەمیمی ئەوەشی خستووەتە ڕوو، ئەوەش ناكاتە ئەوەی دۆخەكە جێگر بووبێت و ترسیان نەبێت بەڵكو دەبێت زیاتر پاڵیان پێوە بنێت ڕێوشوینی نوێ بۆ سنوردانان لەبەردەم بەرزبونەوەی ژمارەی توشبوواندا بگرنە بەر.

 

جەختی لەوەش كردووەتەوە کە هیمەت و هەوڵی كارمەندانی تەندروستی و هۆشیاری هاوڵاتی بۆ جێبەجێكردنی ڕێنماییە تەندروستیەكان تەنها ڕێگای چارەسەرە بۆ دەربازبوون لەپەتاكە و تێپەڕاندنی ئەو قەیرانە جیهانیە.