گه‌ڕان

Shadow Shadow
سیاسه‌تی

کۆرۆنا میدیاکارانی میسری گەمارۆ داوە.. 15ی توشکردووە و سیانیشی کوشتووە

2020.06.02 - 23:15
کۆرۆنا میدیاکارانی میسری گەمارۆ داوە.. 15ی توشکردووە و سیانیشی کوشتووە

ناس کورد-

ڤايرۆسى كۆرۆنا لە ميسر گەيشتوەتە ناو دەزگاكانى ڕاگەياندنيش و لانيكەم پێنج بێژەرى ديار و 10 ڕۆژنامەنوس توشبون، تائێستاش سێ كەسيان گيانيان لەدەستداوە.

 

بەپێى ڕاپۆرتە ڕۆژنامەوانيەكان، سەنديكاى ڕۆژنامەنوسانى ميسر سەرەخۆشى خۆى ڕاگەیاندووە بەهۆی مردنی دەرهێنەرى تەلەفزيۆنى "عەلاء نەجار" دواى توشبونى بە ڤايرۆسى كۆرۆنا، ئەوەش سێيەم ڕۆژنامەونوسە بەو پەتايە گيان لەدەست بدات.

  

سەنديكاكە ئەوەشى ڕونكردوەتەوە، تا ئێستا لانيكەم 10 ئەندامى سەنديكاكە توشى ڤايرۆسى كۆرۆنا بون لەنێوياندا "حسێن زناتى" ئەندامى ئەنجومەنى سەنديكاى ڕۆژنامەنوسان، پێشتريش ئەوەى ئاشكرا كردبوو كە لەو 10 ڕۆژنامەنوسە پێنجيان چاكبونەتەوە و دوانيان گيانيان لەدەستداوە و سيانەكەى دیکەش لەژێر چارەسەردان.

 

بەپێى ڕاپۆرتە ڕۆژنامەوانيەكان، ئەو ژمارەيە ئەوانەن كە دەركەوتوە توشبون، بەڵام لە ڕاستيدا قورسە ژمارەى ڕاستى ئاشكرا بكرێن كە زۆر لەوە زياترن، چونكە زۆريان توشبونيان بە سەنديكاكە ڕاناگەيەنن.

  

بەپێى ئەو ڕاپۆرتانە، هەندێك لە ڕۆژنامەنوسان كە توشبونيان ئاشكرا ناكەن مافى خۆيانە، چونكە لە كۆمەڵگايەكى وەك ميسردا توشبوان ڕوبەڕوى سوكايەتيپێكردن دەبنەوە، بەپێى بەدواداچونەكانيش زۆرينەى ئەو ڕۆژنامەنوسانە لە پشوەكانى جەژنى قورباندا توشبون.

 

لە وڵاتى ميسر تا ئێستا زياتر لە 26 هەزار كەس توشى ڤايرۆسى كۆرۆنا بون و زياتر لە 1000 توشبوو گيانيان لەدەستداوە و نزيكەى 6500 توشبوش چاكبونەتەوە.