گه‌ڕان

Shadow Shadow
سیاسه‌تی

پارتی بۆ هاوڵاتیانی هەولێر: سوپاسی خۆڕاگریتان دەکەین

2020.06.02 - 22:12
پارتی بۆ هاوڵاتیانی هەولێر: سوپاسی خۆڕاگریتان دەکەین

ناس کورد-

ئەنجومەنی سەرکردایەتی پارتی سوپاسی هاوڵاتیانی شاری هەولێری کرد و ڕایگەیاند، پێکەوە ئەو دۆخە تێدەپەڕێنن.

 

لە ڕاگەیەندراوێکدا ئەنجومەنی سەرکردایەتی پارتیی دیموکراتی کوردستان ڕایگەیاند: " هەولێریانی خۆشەویست سوپاس بۆ خۆراگریتان لە بەرامبەر رووبەڕووبوونەوەی پەتای جیهانیی کۆرۆنا کە ئەم پەتایە ئەمڕۆ لە سەرتاسەری دنیا کاریگەری گەورەی ئابووری و تێکدانی ژیانی ئاسایی دروست کردووە".

 

ئاماژەی بەوەشکردووە: "لە سۆنگەی هەستکردنمان بە زەحمەتی ژیان و ئازاری سەختی ئابووری ئێوە، بە پێویستمانزانی سوپاستان بکەین کە ئێوە لە پێناو سەلامەتی خۆتان و کۆمەڵگه‌، تەواو پەیوەست بوون بە رێکارە تەندروستیەکان".

 

سەرکردایەتیی پارتی ئەوەشی خستووەتەڕوو: "دڵنیاین پێکەوە ئەم دۆخە تێدە پەڕێنین و وەك هەمیشە هەولێر و کوردستان سەلامەت و ئارام و ئاوەدان دەبێت".

 

ئەمە لەکاتێکدایە، لەدوای ئەوەی دوینێ دووشەممە، وەزارەتی ناوخۆ قەدەغەی هاتوچۆی بۆماوەی شەش ڕۆژ ڕاگەیاند، بەڵام بەشێک لە هاووڵاتیان و کاسبکارانی سنوری پارێزگای سلێمانی ناڕەزایەتییان نیشاندا و گردبوونەوە، هەرلەدوای ئەوەش بڕیاردرا لە کاتژمێر 6:00ی ئێوارەی سبەینێوە قەدەغەی هاتوچۆ لاببرێت.