گه‌ڕان

Shadow Shadow
سیاسه‌تی

زانایانی چین ڤاکسینێکی دژە کۆرۆنایان دروستکرد کە ’’99% کاریگەری’’ هەیە

2020.06.02 - 21:49
زانایانی چین ڤاکسینێکی دژە کۆرۆنایان دروستکرد کە ’’99% کاریگەری’’ هەیە

ناس کورد-

زانايانى چين كار لەسەر تاقيكردنەوەى ڤاكسينێك دەكەن كە "99% دڵنيان لە كاريگەريەكەى دژى ڤايرۆسى كۆرۆنا" کە تائێستا زياتر لە شەش مليۆن كەسى لە سەرتاسەرى جيهاندا توشكردووە.

 

ڕۆژنامەى "زە سەن"ى بەريتانى بڵاويكردوەتەوە، كۆمپانياى "سينوفاك"ى چينى تايبەتمەند لە بوارى لێكۆڵينەوەى تەكنەلۆژى زيندەي چوەتە قۆناغى دووەمى تاقيكردنەوەى ئەو ڤاكسينەى كە دروستيكردوە بۆ بەرەنگاربونەوەى ڤايرۆسى كۆرۆنا.

 

ڕونيشكراوەتەوە، لە قۆناغى دوەمى تاقيكردنەوەكەدا زياتر لە هەزار خۆبەخش بەشداريان كردووە و لەناو چينى زانايان و لێكۆڵەراندا هيوايەكى زۆر هەيە كە بەم نزيكانە ڤاكسينێكى گونجاو بەردەست دەبێت و كۆتايى بە ڤايرۆسى كۆرۆنا دەهێنێت.

 

لاى خۆشيەوە كۆمپانياكە ڕايگەياندوە، دەستى كردوە بە ڕێوشوێنەكان و گفتوگۆ سەرەتاييەكان بۆ چونە ناو قۆناغى سێيەمى تاقيكردنەوەى ڤاكسينەكە، ئەويش تاقيكردنەوەيەتى لە وڵاتى بەريتانيا، ئەوەش قۆناغى كۆتايى دەبێت.

 

ليو بيشان، لێكۆڵەر لە كۆمپانيا چينيەكە لەوەڵامى پرسيارى ئەوەى كە ئەو تاقيكردنەوانەى تائێستا ئەنجام دراون سەركەوتون ياخود نا باسى لەوەكردوە، بەڵێ بەدڵنياييەوە سەركەوتوو بوون و ڕێژەى سەركەوتوييان گەيشتوەتە 99%.

 

پێشتريش هەمان كۆمپانيا دروستكردنى ڤاكسينەكە و تاقيكردنەوەى لەسەر مەيمون ڕاگەياندبوو و جەختی کردەوە كە سەركەوتوو بووە، كۆمپانياكە ئامادەكارى بۆ بەرهەمهێنانى کردووە و دواى كۆتايى هاتنى تاقيكردنەوەكان لە توانادا هەيە زياتر لە 100 مليۆن ڤاكسين بەرهەم بهێنرێت.