گه‌ڕان

Shadow Shadow
القائمة الرئيسية كوردي

لە ماوەى یەک ڕۆژدا

عێراق بەرزترین ئاستی توشبوون و مردنی بە کۆرۆنا ڕاگەیاند

2020.06.02 - 17:48
عێراق بەرزترین ئاستی توشبوون و مردنی بە کۆرۆنا ڕاگەیاند

ناس کورد-

وەزارەتی تەندروستی عێراق ڕایگەیاند، لە 24 کاتژمێری ڕابردوودا 519 کەس لە سەرانسەری عێراق توشی کۆرۆنا بوون و 20 کەسیش بەهۆیەوە مردوون کە هەردوو ئامارەکە ئاستێکی پێوانەییە و بۆ یەکەمجارە تۆمار دەکرێت.

 

وەزارەتەکە لە ڕاگەیەنراوێکی ئەمڕۆ سێشەممە، 2ی حوزەیرانی 2020دا دەڵێت، 13 هەزار و 436 پشکنینی کۆرۆنا بۆ گومانلێکراوان و بەرکەوتووان ئەنجام دراوە، بەهۆیەوە 519 توشبووی نەخۆشییەکە دەستنیشان کراوە کە بەم شێوەیەی خوارەوە بەسەر پارێزگاکاندا دابەشبووە؛

 

بەغدا/ ڕەسافە: 145

بەغدا/کەرخ: 166

بەغدا/ شاری پزیشکی: 39

نەجەف: 21

بەسرە: 25

سلێمانی: 28

هەولێر: 1

دهۆک: 6

کەربەلا: 31

دیالە: 5

بابل: 9

میسان: 34

موسەنا: 8

نەینەوا: 1

 

هەر بەپێی ئامارەکان، لەو 24 کاتژمێرەدا 233 کەس نەخۆشییەکەیان پەڕاندووە و چاکبوونەتەوە کە زۆربەیان لە بەغدا بووە.

 

بەڵام ئەوەى جێگەی تێبینییە، زۆرترین ژمارەى مردن بە کۆرۆنا لە عێراق تۆمار کراوە کە 20 حاڵە بووە و ژمارەى گشتیی مردووانیش لە سەرانسەری عێراق گەیشتووەتە 235 حاڵەت.

 

بەشێوەیەکی گشتی، تائێستا حەوت هەزار و 387 حاڵەتی توشبوون تۆمار کراوە کە سی هەزار و 508 کەسیان چاکبوونەتەوە و نەخۆشییەکەیان پەڕاندووە.