گه‌ڕان

Shadow Shadow
وه‌رزش

ڤیدیۆیەکى نوێی هێرشکردنە سەر هاوڵاتییە رەشپێستەکەى ئەمریکا پێش گیانلەدەستدانى 

2020.06.01 - 14:23
ڤیدیۆیەکى نوێی هێرشکردنە سەر هاوڵاتییە رەشپێستەکەى ئەمریکا پێش گیانلەدەستدانى 

ناس كورد-

ڤیدیۆیەکى نوێ دیوێکى دیکەى رووداوى هێرشکردنە سەر جۆرج فلۆید هاووڵاتى رەشپێستى ئەمریکى لەلایەن پۆلیسەوە دەردەخات، کە کاردانەوەى گەورەى بەدواى خۆیدا هێناوە.

 

لە ڤیدیۆکەدا دەردەکەوێت کە یەکێک لە پۆلیسەکان هێرشدەکاتە سەر فلۆید لەکاتێکدا هێشتا لەناو ئۆتۆمبیلەکەیدایە، هەروەها پۆلیسەکانى دیکە پارێزگارى لە پڕۆسەى دەستگیرکردنى دەکەن بەشێوەیەکى توندوتیژانە.

 

کوژرانى فلۆید ناڕەزاییەکى گەورەى بەدواى خۆیدا هێناوە و گڕى لە شەقام بەرداوە، دواى ئەوەى رۆژى دووشەممە ڤیدیۆى هێرشکردنە سەرى لەلایەن پۆلیسێکەوە و دواتر گیانلەدەستدانى بڵاوبووەوە.

 

لە زیاتر لە 20 شار لەوانە لۆس ئەنجلۆس و شیکاگۆ و ئەتلانتا خۆپیشاندانى بەرفراوان بەڕێوەچوو، ئەوەش هانى دەسەڵاتدارانیدا بەشەو قەدەغەى هاتووچۆ ڕابگەیەنن، بەشێک لە ویلایەتەکانیش هانایان بۆ هێزەکانى پاسەوانى نیشتیمانی بردووە بۆ کۆنتڕۆڵکردنى بارودۆخەکە. 

 

خۆپیشاندەران کە ژمارەیان بە زیاتر لە دەیان هەزار کەس دەخەمڵێنرێت داواکەن تۆمەتى کوشتنى بەئەنقەست ئاڕاستەى ئەو کەسانە بکرێت کە لەرووداوەکەدا تێوەگلاون.