گه‌ڕان

Shadow Shadow
سیاسه‌تی

هەولێر؛ دەوامی گشت دامودەزگا تەندروستییەکان ڕاگیرا

2020.06.01 - 09:20
هەولێر؛ دەوامی گشت دامودەزگا تەندروستییەکان ڕاگیرا

ناس کورد-

بەڕێوەبەرایەتیی تەندروستیی هەولێر ڕایگەیاند :"بەهۆی قەدەغەی هاتووچۆ بۆ ڕێگەگرتن لەبڵاوبوونەوەی پەتای ڤایرۆسی کۆرۆنا دەوامی فەرمی لەگشت دامودەزگا تەندروستیەکانی پارێزگای هەولێر ڕادەوەستێت".

ئاماژەی بەوەشكرد: " تەنها فریاکەوتنەکان و نەخۆشخانەکان بەشێوەی ئێشکگری لە خزمەتی هاونیشتیمانیان دەبن".

 

ئەمە لەکاتێکدایە، بەهۆی هەڵکشانی ژمارەی توشبووانی کۆرۆنا لە هەرێمی کوردستان، شەوی ڕابردوو وەزارەتی ناوخۆ، قەدەغەی هاتوچۆی سەرتاسەری لە هەرێم ڕاگەیاند و دەوامی گشت فەرمانگەکانیش راگیران، بڕیارەکەش لە کاتژمێر 6:00ی ئێوارەی ئەمڕۆوە دەستپێدەکات تاوەکو کاتژمێر 12:00ی شەوی 6ی حوزەیران بەردەوام دەبێت.

 

بەگوێرەی ئامارەکانی وەزارەتی تەندروستیی هەرێم، لەئێستادا کۆی گشتی تووشبووان بە ڤایرۆسی کۆڕۆنای نوێ COVID-19 لە هەرێمی کوردستان 710 تووشبوون، لەنێویاندا (7) مردن هەیە و 420 نەخۆش چاکبوونەتەوە، ئێستاش 283 نەخۆش لەژێر چاودێری پزیشکی دان.